2 SAMUEL 1:16 - DAÜLANGPÜ LAIHING (BSI)

¹⁶ Davidi büpa kü, “Nüngei iy nüng shak kü nyutuh; nüngi laophülei ju-i, ‘Ngei Shembüpai jepü shennyak jüpeih’ shei denpü shuohteke” shei e.

2 SAMUEL 1:16 Referans Kwoze

MATHI 27:25

Hahepak kü nanglakthüi dhao mü, “Büpalei iy ham hatü hamei hapeüthü shangkü nyemnyu!” shei e.

LUK SHAHSHA APPÜ 19:22

Büpalei shembüi büpa kü, “Nüngei shah kü-üng ngei nüng shahphenhen, nüng nemeipü chongphobü! Nüngi ngeiyü shihmangpü shennyak; ngei melei nethai haleipü yahnyeih, hatü melei nehai, haleipü vetnyeih shei nyingei nyüke.

LEVI 20:9

Shennyak hanei-i laophülei nyühipa kü thaüvaüjema, hapa shennyak jütükhen, hatü büpalei iy büpa shak kü nyuhen.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

KANDOK 6:2

Nüngei yeijaangi hatü nüngei ju kübü shahthüi nüng kü shashi nyujema,

1 ONGPATHÜ 2:37

Nüng haleipü laoei daipü hatü Kidron kahji homei daipü nyih-üng nüng hingmei mahhen shei deihtuh; nüngei iy nüngi kohen” shei e.

2 SAMUEL 1:10

Hanangkü ngei büpa kü la-i shoptü jüpeih; mehenangkü büpa ma yahpü nangkü neyangshasha khih shei ngei nyingpeih. Ngei büpalei shangjing leipü ong athen hatü lakshep yah-ei ngelei shembü nüng touei koei peiküpeih” shei e.

1 SAMUEL 26:9

Shejao Davidi Abishai kü, “Büpa tejü; üpai Shembüpai jepü ong kü lak hethenshang, büpa pungpü nevaihen je?” shei e.

JOSHUA 2:19

Am hük dangkao shemong leipü chingshelei vamjema, büpa mahpeyü büpa-üng pungpü vaihen, hatü hayü ham pungpü nevaikahen; shejao shemongei nüng mü nyupü hük kü dangkao lak shihjema, hapa mang hami kohen.

PHONGSHANTHÜ DOU 20:26

Hanangkü ngei shinnyih am kü ha ngaiyei enyeih, amphong üpalei iy-ao ngei nekohen;

EZEKIEL 33:5

Mehenangkü büpai amit ngeü danpheikü nehakapü nangkü mahjema, büpalei iy büpalei shangjing kü kohen. Büpai paoh shahvüng kü hakalangmeyü büpa yangdaihah shepeih.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

JOB SHAHSHA APPÜ 15:6

Ngelei jui nevai, nüngi laophülei jui-üng laophü nyonghünyüke; nüngei jui-üng nüng khüei ehahnyüke.

SHAHPHENBÜTHÜ 9:24

Kahvangi hapayü Gideonei cheha jom pejempüan jütükpü jomei iy yenhüpü nangkü jomei jeihinaü Abimelekh kü hatü büpalei jeihinaüthü jühen shingvaishi sheühpü Shekhem am kü bhüh yemhen shingvaishi dükteke.

SHAHKÜP 19:10

Shembüpa, ammei Kahvangi am kü mükjüp shuohpü kahdok kü mang neshiüpü kü iy neyenhühen hatü shennyak jüpü mangi am nenyonghen shingvaishi ammi hapa düktuh.

LEVI 20:27

Nyüha vaijao baha vaijao am khong mü lashüh tetpü nevaijü yimpi laang mü shah eteipü nyujema, hapa shennyak yaongi shükei jütükhen; jomei iy jom shak kü nyuhen.

LEVI 20:16

Nyüha hanei-i yemhimak mü mükbongjuyungjema, nyühanyü hatü yemha nyiphen jütükhen. Jomei iy jom shak kü nyuhen.

PHONGSHANTHÜ DOU 18:6

Shejao mechem Jehoda ami Paul khüei yaongei büpa kü nemei-i eshuohpa, büpai jom khüei büpai ashak leipü mag dheüei jomphong kü, “Ammei iy am shak kü nyutuh! Ngei mang nevai. Shaang mü leitü ngei Kung am touei daihen” shei e.

2 SAMUEL 16:8

Nüngi Saulei ongching yahlangpeih; shaang Saul am shem iy yenhüpü nangkü Shembüpai nüng kü bhüh yemnyu khihma. Shembüpai nüngei ongching anha Absalom kü shuohtüktü nüngü ponghahnyu khihma; mehenangkü nüngü hangku iy yenhüpü shennyak” shei e.

1 SAMUEL 25:39

Nabal didaiteke shei mechem Davidi danpa, büpai, “Ngei kü yaüeilungei epü Nabal kü ngei leimao Shembüpai bhüh yempü kü Shembüpa men longtuh. Ngei nejiüi dükhen kübü büpai ngei yangpeih hatü Nabali laophülei mang tata kü Shembüpai hanghi shuohteke” shei e. Hapheikü Davidi Abigail mü shem yemhen pheteke.