2 PETER 3:7 - DAÜLANGPÜ LAIHING (BSI)

⁷ Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

2 PETER 3:7 Referans Kwoze

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

2 PETER 3:12

Kahvang yiükahen shülangpü nyih danhenang? Mehenangkü hapa nyih vangshothü awi hahtükhen, hatü awshami lemphü douthü nyaüdaihen.

SHAKEI VAMPÜ 21:1

Hapheikü ngei vangsho ja hük hatü kahdoknyü ja hük ee; mehenangkü shongpü vangsho hatü kahdoknyü peihdai, hatü yungching hajük kü neshiüi leidai.

MATHI 24:35

Vangsho hatü kahdok peihdaihen, shejao ngelei shah nepeihdaihen.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

MATHI 12:36

Ngei am kü enyeih, shahphenpü nyih shennyak peüi laophüi etükpü nelishah peü kü shahnyok shuohhen;

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.

1 TIMOTI 6:9

Shejao üami shemmei leihünya dokpü kü vühen, hatü nanglakthüi lomohpü hatü mahpü sholi neshiüpü hatü yemei dihen taikon kü mandainyeih.

PHILIPPI 1:28

hatü am khüpüthüi am nenyemhühen. Jom shingvaishi hapayü jom mahhen nyangeihepü, shejao am shingvaishiyü yemleipü nyüke, hatü hayü Kahvangi dükpeih.

1 JOHAN 4:17

Jen kü bampeyü hapakei changhüpeih: shahphenpü nyih jen monglonghen; mehenangkü büpa keiha jenao kahdoknyülei nyüke.

2 THESALONIKA 2:3

Hapa keiha üpaiyao amphong telutelemhü; mehenangkü mahhen demtükpü hük, khüei yaongpü shongei mangpei thahshi hatü shahkung mangpü mangvam thahshi hapa nyih nepeiküpih.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

MARK 6:11

Shing haneilei am mongongshi yen neyahjema hatü ammi epü kü nebangjema, am leidaishingkü jom khüpü denpü hük vaishi ammei la kübü kübhih kaongphongtuh” shei e.

MATHI 11:24

Shejao ngei am kü enyeih, shahphenpü nyih-ü am leimeyü Sodom kahdok kü-üng nyeinya phahji huhen.

MATHI 11:22

Shejao ngei am kü enyeih, shahphenpü nyih keyü am leimeyü Tyre hatü Sidon am kü-üng nyeinya phahji huhen.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

MENVIH KESHO 102:26

Hathü mahdaihen, shejao nüng den kü nyuhen; hathü peü ashak chang kei leidaihen. Nüngi hathüyü owhiai kei jeiteihünyeih, hatü hathü peihdainyeih.

MENVIH KESHO 50:3

Jenei Kahvang peikünyüke, hatü nenmü nenyunyu; büpa touei laiyeilungei hahhen aw, hatü mangpü yinglükpalei shinei nyüke.

SHAKEI VAMPÜ 17:11

Shelei nyupü yemha mepa shaang nenyu, hapayü shetpabü yemha shejao hapayü nyet khong kübü, hatü hayao mahhen lemei dainyüke.

SHAKEI VAMPÜ 17:8

Shelei nyupü nüngi eepü yemha, shaang nenyu; pinnyü shaongdoh neshiüpü kahsha leipü vamei mahhen temei daikahen. Kahdoknyü kü nyupü shennyakthü kahdoknyü chongnyiam lingshekü üamei men yangnyu laitap kü nyangei nenyu, hathüi yemha kü veitü yashanhen. Mehenangkü ha shelei chem nyu, shaang neshiü, pheilei shao vamkahen.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

DANIEL 7:9

Mechem ngei veishi nyupa, Aivangpai hapa ong uoshing kü uoteke, Büpalei owhiai shüdao kei, hatü büpalei sho phümphah kei shoshi shiüteke; Büpalei ong uoshing awlom kei, hatü hapa uoshinglathü awyei kei shiüteke.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

HEBREW 12:29

mehenangkü jenei Kahvangü laiyeilungei hahpü aw.