2 PETER 3:18 - DAÜLANGPÜ LAIHING (BSI)

¹⁸ Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

2 PETER 3:18 Referans Kwoze

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

EPHESIA 4:15

Shejao bampü kü shahhing eyei, Khrista, üpa shangjing nyüpa, lemphü lem kü büpa kü longhen khih.

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

KOLOSI 3:10

hatü Lingbülei lajei aimü nyingpühingpü kü ja leiyei shennyak ja owteke.

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 TIMOTI 4:18

Mangi shüveidoideipü peü kübü Shembüpai ngei yangphahen, hatü ngei yangei büpalei vangsho ongchingei ngei mülanghen. Büpa kü müknyinshekhang den den kü nyute. Amen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

MENVIH KESHO 92:12

Daülangpüthü palm pü kei danyüke, hatü Lebanon leipü cedar püthü kei longnyüke.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

JUD SHAHSHA APPÜ 1:25

Jisu Khrista jenei Shembüpa homei Kahvang jen Yemleipüba kü mon denshem peü kü, shaang hatü dohpü neshiüi müknyinshekhang, dhüm, ngan, hatü wong nyute. Amen.

2 PETER 1:11

Mehenangkü hapa lem kü jenei Shembüpa hatü Yemleipü Jisu Khristalei nedohnetenpü ongching kü shühen am shing changshi yahphahen.

2 PETER 2:20

Jenei Shembüpa hatü Yemleipü Jisu Khrista nyingpü homei kahdoknyülei ten kübü yangpheikü, jomi shao ha kü manei neühahjema, shongpü laphen meyü jomphongü dohpülei-üng nemeipüba nyunyeih.

2 PETER 1:8

Mehenangkü hathü meipü ammei vaihüjema hatü am mü nyeinya dahüjema, hathüi jenei Shembüpa Jisu Khrista nyingpü kü am wong nekoh-i hatü betjük nejüki neleihühen.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

2 PETER 1:2

Kahvang hatü Jisu jenei Shembüpa nyingpü kü changpüshapü phahji hatü chingmei ammei vaituh.