2 PETER 3:16 - DAÜLANGPÜ LAIHING (BSI)

¹⁶ Büpalei lai peü kü hathü aihük jung eyei nyangnyüke. Büpalei laithü kü nyinghen wongpü douthü maani kohshi nyüke; hapayü nenyingpüthü hatü shing nenüngpüthüi laophü mahhen mü Laihing kü jomi dükpükei nyongnyongi lingtüknyüke.

2 PETER 3:16 Referans Kwoze

MATHI 15:6

Hanangkü ammei bü vanglem men kü ammi Kahvangei shah angsha leitüknyüke.

HEBREW 5:11

Hami hapa nang ehen longi nyüke, shejao ammi danhen wongpü nangkü ha nih-ei ehen wongteke.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

JAKOB 1:8

büpayü mong nyi kohpü, büpai dükpü peü kü shing nenüngpü shennyak.

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

JEREMIAH 23:36

Shejao amphongi, “Shembüpalei shah” shei ju kü vamei te-etei; mehenangkü laophü laophülei shah-i hanggovih leidaiteke; hapa keiha vanyangyem Kahvang, Jeiyong Shembüpa, jenei Kahvangei shah nyongnyongdah-i leitüknyüke.

1 PETER 2:8

Shao lebü lai kü hapakei enyüke: “Jom huluh shuohhüpü yaong, hatü jom dohüpü yaongnyü-ü hapa hih.” Jom huluh shuohpeih; mehenangkü jomi ha shah nebang; jomi hapa dükhen demtükpü am nyuteke.

MATHI 22:29

Jisui jomphong kü, “Amphong nejiü; mehenangkü amphongi laihing nevaijü Kahvangei ngan nenying.

HABAKKUK 1:4

Hanangkü shahkungnyü juwdai hatü shahhing neshiü. Shennyak tenthüi daülangpüthü kü shonlangteke; hanangkü shahhingü shahshem leitükteke.

MENVIH KESHO 56:5

Helushoei jomi ngelei shahthü nyongnyongi leitüknyüke; jom düngei ngei kü lak shihhen shownyüke.

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

MATHI 15:3

Büpai jomphong kü e, “Ammei bü vanglem men kü mehekei ammi Kahvangei shahkungnyü mangnya?

1 PETER 1:1

Peter, Jisu Khristalei phongshani, Pontus, Galatia, Kappadokia, Asia hatü Bithynia kü haidaipü,

1 ONGPATHÜ 10:1

Mechem Sheba am onglanyüi Shembüpalei men homei Solomon men-e leipü jung danpa, pinnyüi büpa kü wongpü wongpü shahthü pheyei dokhen shingvaishi pei.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

MÜLANGPÜ 23:6

Shahphen shingei ammi taopathü kü dah-i nyong teleihü.

MÜLANGPÜ 23:2

Nejiüpü dou dükhen nüngi khongnyü phei temü; ammi shahphen shingei mechem denpü shuohhen, shahhingi shahshem leitükpü khong phei temü.

KAHBHAO 49:4

Yung keiha shing nelingi, nüng hajük kü shongnyü neleipih; mehenangkü nüngi ngelei shinshing dhüm neshiüi sheihtükpeih.

2 PETER 3:2

Peihdaipü hepak kü daülangpü thihivamthüi epü shahthü hatü Shembüpalei shahkung hatü ammei phongshanthü homei Yemleipübai epü shahthü deih-ei dangtuh.

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,