2 PETER 3:15 - DAÜLANGPÜ LAIHING (BSI)

¹⁵ hatü jenei Shembüpa nenteiaokpü lappeyü yemleipü shei deihtuh. Hapa keiha jenei jeihinaü Pauli büpa kü Kahvangi yahshuohpü kihikon aimü am kü nyangteke.

2 PETER 3:15 Referans Kwoze

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

2 PETER 3:9

Shembüpai lahtükpü nangkü hanei ami deihpükei kaaei nenyu, shejao üpayao nemahtükhüei, shejao peü mong lepei leihahhüpü nangkü am mü nenteiaokei danei nyüke.

1 TIMOTI 1:16

Shejao ha tata kü üami büpa kü hinglem yangnyuyem danghen shei Khrista Jisui nedohnetenpü büpa nenteiaokpü lappü hük huhen shingvaishi ngei keipü nemeipü mang shennyak kü phahji hupeih.

1 PETER 3:20

Hathüyü Noah-i jahas lingpü nyihthü kü Kahvangi nenteiaokei danpü hepak kü ven nedanpüthülei laanghathü nyüke; hapa kü maani mon– shennyak shet mon yung kübü yangteke.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

PHONGSHANTHÜ DOU 15:25

ham chemi mongteitü nanglak hanei jeyei jenei bampü jeihinaü Paul hi Barnabas nyi mü shomhen temteipeih.

1 KORINT 2:13

Hatü hami hangkulei kihikoni nyuhphopü shahthüi ha douthü jung ne-enyih, shejao laangha shennyakthü kü Laanghai nyuhpü laangha douthü nih-ei enyeih.

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

1 ONGPATHÜ 4:29

Kahvangi Solomon kü kihikon hatü yao-aokpü kon, hatü neshetnephenaokpü yungching bahiyang kei danaokpü kon shuoh.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

1 ONGPATHÜ 3:12

nüngi mehe yiü, ha ngei nüng kü shuohhen. Ngei nüng kü kihikon hatü mang hi mei nyingaokpü kon shuohhen; shelei nüng kei üpayao nenyuhampeih; hatü nüng pheikao nüng kei üpayao nechongkahen.

EPHESIA 3:3

hatü ngei sholei shah maani nyangpükei shakei vampü homei mekei hapa shahjo ngei kü nyinghüpa,

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

1 KORINT 3:10

Kahvangi ngei kü shuohpü phahji aimü lahhinpü shem vebü keiha ngei chongnyiam lingtepih, hatü ha shangkü hanei ami venyüke. Shejao shem vebü peüi hapa shangkü mekei venya kenhinghen vongbong.

PHONGSHANTHÜ DOU 7:10

hatü shanghah peü kübü büpa yang, hatü Ijip ongpa Pharaoh touei yaongshingkü büpa kü bamhahhen mü hatü kihikon huaokhen mü leihüpeih; hanangkü ongpai Ijip kü, hatü jomei shemong kempü kü vanglem lembü vaihen büpa jepeih.

MÜLANGPÜ 35:35

Büpai jijinyi kü yaong shükei lingpüthüi hatü mistrithüi lingpükei hatü ashak thüngla, manghshempü hatü ashak hakla hatü nyemin ashak hoiyei dakpüthü kei dakhen lahhinei dükhen kon shuohteke. Jiji nyiyü lemphü mistri dou kü den ngoiyei manpü nyi nyüke” shei eteke.

MÜLANGPÜ 35:31

Kahvangi büpa kü mistri dou peü dükaokhen lahhinlangnyai, nahpülangpü kon;

MÜLANGPÜ 31:6

Shao ngei Dan am phang kübü Ahisamakhei cheha Oholiab-ao büpa mü sheühteihen jetepih. Ngei nüng kü epü lemphüli meishi linghen shingvaishi ngei jom kü lahhinlangnyai kon shuohtepih.

MÜLANGPÜ 31:3

hatü büpa kü lahhinei doumük kohshi lemphü mistri dou dükhen kihikon,

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

PHONGSHANTHÜ DOU 9:17

Hanangkü Ananias heih-ei shemei shü. Büpai Saul kü laki shüngtü, “Jeihinaü Saul, nüng halei heihpü lemei nüng touei vamei hupü Shembüpa Jisui nüngei mük eehen hatü Laangha Daülangpü yahhen shingvaishi büpai ngei shompü khih” shei e.

2 PETER 3:2

Peihdaipü hepak kü daülangpü thihivamthüi epü shahthü hatü Shembüpalei shahkung hatü ammei phongshanthü homei Yemleipübai epü shahthü deih-ei dangtuh.