2 PETER 3:10 - DAÜLANGPÜ LAIHING (BSI)

¹⁰ Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

2 PETER 3:10 Referans Kwoze

SHAKEI VAMPÜ 21:1

Hapheikü ngei vangsho ja hük hatü kahdoknyü ja hük ee; mehenangkü shongpü vangsho hatü kahdoknyü peihdai, hatü yungching hajük kü neshiüi leidai.

MATHI 24:35

Vangsho hatü kahdok peihdaihen, shejao ngelei shah nepeihdaihen.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

SHAKEI VAMPÜ 16:15

“Veituh, ngei gühpa hük keiha peikünyeih! Üpai thaeimaei owhiai temtü nyu, hatü bümkong veübenüng nehu-i dai moihiman.”

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

MARK 13:31

Vangsho hatü kahdok peihdaihen, shejao ngelei shah nepeihdaihen.

2 PETER 3:12

Kahvang yiükahen shülangpü nyih danhenang? Mehenangkü hapa nyih vangshothü awi hahtükhen, hatü awshami lemphü douthü nyaüdaihen.

ISAIAH 34:4

Vangsho lithathü, lennyü vanghe kemei mahdaihen, phumshangthü peü phaishuw kei düdaihen. Lithathü kemei nyalingngupai lak vanei, bhukjükpülei bhukjük vanei vüpükei vüdaikemhen.

SHAKEI VAMPÜ 3:3

Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

LUK SHAHSHA APPÜ 12:39

“Shejao ha nyingtuh: shem shembüi paoh mepa hepak kü gühpa peihen nyinglang meyü büpai yomei nyuhah shepeih hatü shem nebenhühen vaipeih.

MENVIH KESHO 102:26

Hathü mahdaihen, shejao nüng den kü nyuhen; hathü peü ashak chang kei leidaihen. Nüngi hathüyü owhiai kei jeiteihünyeih, hatü hathü peihdainyeih.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

NAHUM 1:5

Shembüpa touei kahshangthü jennyeih, hatü shangtaothü nyaüei yendainyeih. Mechem Shembüpa peihenshang, kahdoknyü hatü halei nyupü peü kheünyüpeih.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

AMOS 9:5

Shembüpa Kahvangi kahdok kü hongjü hapa nyaüdainyeih; Halei nyupüthüi mahng thepnyüpeih, hatü Ijip leipü Nile yungyen keiha kahdok kemei longei aongtü shemmei shünyüpeih.

1 KORINT 5:5

Hapa shennyakei phai mangtükhen shingvaishi ammi Satan kü shuohtüktuh; shejüang Shembüpalei nyih kü büpalei laangha yangaokhen.

MIKA 1:4

Aw touei püjiü nyaüdaipü keiha, kahshang kübü kahjilei yung laongpü kei kahshangthü nyaüdaihen, hatü kahjithü kaei handaihen.

ISAIAH 24:19

Kahdoknyü chemjalak kü mangdaiteke, kahdoknyü bhaodaiteke, kahdoknyü nemei-i jennyüke.

MENVIH KESHO 97:5

Shembüpa touei kahshangthü püjiü keiha nyaüdainyüke, kahdoknyü peüei Shembüpa touei.

AMOS 9:13

Han hokpü shennyaki hah vetpülei she yeihen, hatü nyalingngupai ngümpü shennyaki sheipülei phei thahhen, hatü kahshangthü leipü vüngnyangpü yiü shühkahen, hatü shangtaothü kü ha yenkahen, hapa hepak hingmei ngoikünyüke shei Shembüpai enyüke.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

ROM SHAHSHA APPÜ 8:20

mehenangkü lingpü douthü peü laophüi mongpü kü nevai, shejao Kahvangi hapakei nyuhen mongpü nangkü yahlak neshiüi leihüteke,

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

JOEL 3:14

Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

MENVIH KESHO 46:6

Jatthü nyempühanpü kü nyüke, ongchingthü dodainyüke; büpai ngeü anjü kahdoknyü nyaüdainyeih.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

2 KORINT 1:14

Ammi ham nang maani mon nyingnyüke; ammi ham nangkü changmeipü keiha Shembüpa Jisulei nyih kü hami am nangkü changmeihen.

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

1 THESALONIKA 5:4

Shejao bampüthü, hapa nyih kü gühpa hüki keiha am nehanhühen shingvaishi amphong vangnyak kü nenyu.

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

SHAKEI VAMPÜ 6:14

Vangshangü phaishuw düpükei düei mahdai, hatü kahshang hi shübaong peü hapalei shing kübü lüdaikem.