2 PETER 2:9 - DAÜLANGPÜ LAIHING (BSI)

⁹ shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

2 PETER 2:9 Referans Kwoze

1 KORINT 10:13

Peüi nepongbenüng dokpai am kü nedokangpih. Kahvangü hingshangpü, hatü ammi nedhangaokhen mü büpai am kü nedokhüpih, shejao ammi ha munenaokhen shingvaishi büpai hapa dokpü mü yanglemao yahphahen.

SHAKEI VAMPÜ 3:10

Mehenangkü ammi ngelei shah munenei bangteke; kahdoknyü kü nyupüthü peü touei dokhen hepak hük ngoikünyüke, ha dokpü hepak kü ngei am yangei tuhhen.

2 TIMOTI 3:12

Hingmei, üami Khrista Jisu kü Kahvang nyingpü yangnyu nyuhünya peüi shüveidoideipü ponghen.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

KANDOK 16:4

Shembüpai lemphüli mükhong tuhtü lingpeih; nemeipüthüao shangpongpü nyih shingvaishi lingpeih.

JOB SHAHSHA APPÜ 5:19

Büpai nüng vongshüh vok kübü yangphahen; nyetpabü kü mehe vongshüh-ao nüng kü nehongpih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

MENVIH KESHO 4:3

Shembüpai daülangpüthü laophü shing jepeih shei nyingtuh; Mechem ngei büpa kü nyükhen, Shembüpai ha dannyeih.

MENVIH KESHO 32:6

Nüng danghen mü nyushingkü nüng kü hinglempüthü peü nüng kü phophütuh; mechem shanghah yungnyü büng longhen, hapai jom nethahhen.

JOB SHAHSHA APPÜ 21:30

Nemeipüthü ang vongshüh nyih kü, hatü Kahvang mongshihpü kübü yangdainyüke.

MENVIH KESHO 12:1

Sheühshih, Oh Shembüpa Kahvang, Kahvang nyingpü shennyak hükao neshiüang; hangkuli khongkü hinglempü mahdaiteke.

MENVIH KESHO 37:33

Shejao Shembüpai jom vepathülei wong phangkü netuhphongpih, nevaijü shahphen shingei yaongshingkü nenyonghüpih.

KANDOK 12:13

Nemeipü shennyakthüyü laophülei jubenyeijaang homei mangei tailok kü mannyüpeih, shejao daülangpü shennyaki vongshüh kübü yangdainyeih.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

1 SAMUEL 29:10

“Hanangkü ngenep lomi layaongei nüng hatü nüng mü peipü nüngei shembü chongphobüthü müei ngei nüng kü hanphopü shingei vangngaihinüng nyokei leidaishih. Hapakei ten keiha ephopü kü mongei lemhük kei tedeih” shei e.