2 PETER 2:4 - DAÜLANGPÜ LAIHING (BSI)

⁴ Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

2 PETER 2:4 Referans Kwoze

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

ISAIAH 14:12

Nüng mekei etü vangsho leipü vüpa! Oh nepnüng litha, nepnüngei hapeü! Chem jatthü bhih-ei maanei shanshihpü nüng shaang mekei etü kahdokei shüktükpa!

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.

EZEKIEL 7:4

Ngei am kü yahyangei nevaijü shinshangei neveipih. Hingmei ngei ammei dükhiling hatü ammei jiühitnalai douthü am mü nyupü thahshi ngei ha kü shemhen. Shejüang ngeiyü Shembüpa shei ammi nyinghen.”

LUK SHAHSHA APPÜ 10:18

Büpai jomphong kü, “Klang keiha vangsho leipü Satan vüpü ngei eepeih.

EZEKIEL 5:11

Hanangkü ngeiyü yemmü nyupü Shembüpa Kahvang shei enyüke: Amphongi nedaünelangpü hatü jiühitnalaipü douthü homei ngelei phopshem sheihtükpü nangkü ngei am jütükhen, hatü neshinshanghen.

JOB SHAHSHA APPÜ 4:18

Kahvangi büpalei chongphobü kü dangkao hingnelemjü, hatü büpai vangsho phongshanthü kü dangkao mang yepjü,

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

2 PETER 2:11

Vangsho phongshanthü wong hatü ngan nyeinya kohjao SHEMBÜPAleipü hathü khüei nethaüvaünyu.

2 PETER 2:5

hatü Kahvang nenyingpü kahdoknyü kü bünghiyang yah-ei peishingkü daülangshemshepü shahjang kobü Noah mü jom nyet mon yangtü büpai aivang kahdoknyü dangkao yangei netuhjema;

LUK SHAHSHA APPÜ 8:31

Jomphongi büpa kü bangh mongei shühen te-epha shei khümei e.

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

MARK 5:7

hatü büpai üng mahshi lenei, “Nüngi ngei kü mehe dükphanüngang, Jisu, Chaipüba Kahvang Ha? Ngei Kahvang men kü khümnyeih, ngei kü teshüveipha” shei e.

MATHI 8:29

Ngangahük kü jiji-i lenei, “Nüngi henji kü mehe dükphanüngang, Oh Kahvang Ha? Hepak mangngoi shekü nüngi henji kü shüveinüng peiküpü je?” shei e.

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

EZEKIEL 7:9

Ngei am kü yahyangei nevaijü shinshangei neveipih; ngei ammei dükhiling hatü ammei jiühitnalai douthü am mü nyupü thahshi ngei ha shemhen. Shejüang am kü bheipeyü Shembüpa, ngei khih shei ammi nyinghen.

JOB SHAHSHA APPÜ 21:30

Nemeipüthü ang vongshüh nyih kü, hatü Kahvang mongshihpü kübü yangdainyüke.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

ROM SHAHSHA APPÜ 11:21

Mehenangkü Kahvangi nyingnyoi kaothü dangkao yangei netuhjema, hingnelem pheikü büpai am neyangphapih.

MENVIH KESHO 78:50

Büpai laophülei mongshih lem ling; büpai jom dihen kübü neyang; shejao chamhilem kü shuohtük.