2 PETER 2:18 - DAÜLANGPÜ LAIHING (BSI)

¹⁸ Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

2 PETER 2:18 Referans Kwoze

2 PETER 2:20

Jenei Shembüpa hatü Yemleipü Jisu Khrista nyingpü homei kahdoknyülei ten kübü yangpheikü, jomi shao ha kü manei neühahjema, shongpü laphen meyü jomphongü dohpülei-üng nemeipüba nyunyeih.

2 PETER 1:4

Hathü homei büpai jen kü longi longpü hatü douvang lahpüthü shuohteke, shejüang hathü homei ammi Kahvang nyingnyoi kü hean yah-aokhen hatü mangi yahhahhüpü homei kahdoknyü kü vamhüpü ten kübü yangaokhen.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

JAKOB 5:5

Amphongü kahdoknyülei hüshemei mongong kü nyuteke; mohitap kü jühen tuhpü yem keiha am nyingi nitshüh-i leiteke.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

SHAKEI VAMPÜ 13:11

Hapheikü ngei shao kahdok leipü yemha hük miha kü kei vaung nyi kohtü vampü ngei ee hatü Dragoni kei shah eteke.

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

PHONGSHANTHÜ DOU 8:9

Shaang Simon shei menpü shennyak hüki shelei mebü hapa chingnyülei thihivam dou dükei nyu, hatü Samaria amü thamaei büpayü longpü shennyak hih shei eteihamteke.

PHONGSHANTHÜ DOU 2:40

hatü büpai lebü shahthü longi jomphong kü nangthongei, ‘Hapa nemeipü den kübü am yangdaituh’ shei eteke.”

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

2 PETER 2:2

Hapa keiha longshi shing jomei nedaünelangpü lemthü kü mühen, hatü ha nyuhbüthü homei shahhing lem ten leitükhen.

2 PETER 2:7

hatü shahkung nebangpü nühinam kohpü yangnyuthü homei shanghah-ei nyupü daülangpü shennyak Lot büpai yangjema,

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

2 PETER 3:17

Hanangkü bampü küphüthü, ammi ha yeihshi nyingphei vütei-i shahkung mangpü shennyakthüi pungpü kü am müei nedaihen, hatü am yangei nyupü laphen kübü nedohhen kenhingtuh.

1 ONGPATHÜ 13:19

Hanangkü hapa Kahvang shennyak jom shemei leiyei hahying.

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.