2 PETER 2:17 - DAÜLANGPÜ LAIHING (BSI)

¹⁷ Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

2 PETER 2:17 Referans Kwoze

JEREMIAH 14:3

Hamhimanthüi jomei chongphobüthü yung shohen shomnyüke; jom yungkukei heihjü yung shohen nedangnyu; jomi yungdük kong notü nyokei leidainyüke. Jom veüei mongshangpai shokuh kuhlangteke.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

MATHI 25:30

Hapa yahlak neshiüpü chongphobüyü chingshelei shangmang kü shüktüktuh; halei theppü hatü bha vükpü nyuhen” shei e.

MATHI 22:13

Hahepak kü ongpai chongphobüthü kü, “Büpa lakhila shatü shangmang kü chingdaüei shüktüktuh, halei theppü hatü bha vükpü nyuhen.

MATHI 8:12

shejao vangsho ongching mükjüpthü shangmangei yakphonghen, halei theppü hatü bha vükpü nyuhen” shei e.

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

HEBREW 12:18

Amphongü laki honghen aokpü aw bahpü, shangmang, mongmang hatü vanglükpalei nyupü kahshangei nepei;