2 PETER 2:10 - DAÜLANGPÜ LAIHING (BSI)

¹⁰ anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

2 PETER 2:10 Referans Kwoze

JUD SHAHSHA APPÜ 1:16

Ha shennyakthüyü nümnümpü hatü mih-ei mang yempüthü; jomi mangi vaüpü lem kü münyüke; jomi bom bhaopükei shah enyüke, hatü jom vangmeihen tata kü mih yawhlangnyüke.

JUD SHAHSHA APPÜ 1:10

Shejao ha shennyakthüi jomi nenyingaokpü peü kü yaünyüke, hatü jomphongü hathü doui-üng mahhünyüke; jomi sholi neshiüpü yemhathü kei nyingnyoi kü lepü mon nyingnyüke.

JUD SHAHSHA APPÜ 1:18

mehenangkü jomphongi am kü, “Dohpü hepak kü mih vüshih-ei epüthü, Kahvang nenyingpü ten lem kü kampüthü vamkahen” shei eteke.

MÜLANGPÜ 22:28

Ammi Kahvang kü teyaü, nevaijü ammei nanglakthü mübü kü tethaüvaü.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

LUK SHAHSHA APPÜ 19:14

Shejao laophülei nanglaki büpa kü jiühit, hatü büpa pheikü phongmokbüthü shomei, ‘Hami hapa shennyak ham shak kü vanglem lemkahen nenanyih’ ” shei e.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

PHONGSHANTHÜ DOU 23:5

Pauli, “Jeihinaüthü, büpayü ngongchong khih shei ngei nenyingangpih; ‘Ammei nanglak vanglem lembü kü ten te-e’ shei nyangei nyüpeih” shei e.

CHONGVENBÜ 10:20

Nüngi mongei dangkao ongpa hük vüshih-ei tedeih, nevaijü nüngei shinshingei shemmeipa khüei tethaüvaü; Mehenangkü piteipü ouha-i nüngei shah koei lüdaihen, nevaijü yang kohpü yemi hapa shah baongtükkahen.

1 THESALONIKA 4:7

Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

2 KORINT 10:3

Hingmei, hamphongü hangku kei nyunyeih, shejao hangku phai aimü hami vehok nehoknyih.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

MENVIH KESHO 12:4

Jomi, “Hamei yeijaangi neüaokhen; jubenyeijaangü hamei, hapa kü shembü üpa nyüpa?” shei enyüke.

1 ONGPATHÜ 12:16

Mechem Israel ami jomi epü kü ongpai nebangpü eepa, nanglakthüi ongpa kü lenei hapakei e, “Hami David mü mehe phaihan, hatü Jesselei cheha mü mehe mükjüp nyüpa? Oh Israel am, laophülei shemei leidaikemshah! Oh David, ammei shahishem kü mon shaangü veihahtuh!” Hanangkü Israel am shemei leidaikem.

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

1 SAMUEL 10:27

Shejao hanei büpa kü yaüei, “Hapa shennyaki mekei etü jen yangaokhenang?” shei e. Jomphongi büpa kü yaüei e, hatü meheyao thintho neshuoh. Shejao Saul nenmü nyu.

BHEI-IE 15:30

Shejao Israel am vaituh, lakeiloipü am vaituh, üpai nyingshangi mang thahhenshang, büpai Shembüpa nyonghüteke; hapa keipü shennyakü jütükhen.

KAHBHAO 49:6

Jom shahjo eteipülei ngei ne-omhen, jomei thaihiyu kü ngei hean neyahhen. Mehenangkü jiji mongshihpai shennyak jüteke, hatü jiji-i mongpükei mohohbaongthü kü lapheichah langtükpeih.

EPHESIA 4:19

Jomi veüshe mahtüktü jomi laophü nyingi iyjeiphailei kü nedaünelangpü lemphü dükhen kennyüke.

2 TIMOTI 3:2

Mehenangkü shennyakthüi laophü kü mon bampü, lop bampü, daühingam epü, changmeipü, deyeinaamei epü, nyühipalei ven nedanpü, menvih neshuohpü, nedaünelangpü,

LUK SHAHSHA APPÜ 11:25

Mechem büpa nyokei leihen, nyüp maotüktü shüpeikengtüktü eenyüke.