2 PETER 1:6 - DAÜLANGPÜ LAIHING (BSI)

⁶ hatü nyingpü mü ungeiaeipü, ungeiaeipü mü nenteiaokpü, nenteiaokpü mü Kahvang nyingpü;

2 PETER 1:6 Referans Kwoze

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

HEBREW 10:36

Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

LUK SHAHSHA APPÜ 21:19

Am munenpai ammei laangha yanghen” shei e.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

TITUS 2:2

Pajeithü kü jiübaong kü nyuhen, mong shuohpü, ungei-aeipü hatü hinglempü, bampü hatü munenpü kü meishi nyuhen etuh.

GALATIA 5:23

inyainyempü hatü laophü nying ungei-aeipü. Hapa keipü douthü khüei shahkungnyü neshiü.

SHAKEI VAMPÜ 14:12

Daülangpüthü üami Kahvangei shahkung bang, hatü Jisu kü hinglempü kü wongshongi shong, hathü kü munenhen thongnyüke.

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.

TITUS 1:8

shejao büpayü yen kü bampü, mei kü bampü, kenhingpü, kangshangpü, daülangpü hatü laophü nying ungei-aeipü vaihen vongbong.

1 THESALONIKA 1:3

jenei Kahvang hatü Pa touei ammei hinglempü dou, bampü dou, hatü jenei Shembüpa Jisu Khrista kü wongshongi monglempü deih-ei dangnyeih.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

2 KORINT 6:4

shejao lem peü kü ham nyingi Kahvang chongphobüthü shei shangpong kü, ponghahpü kü, vongshüh kü,

ROM SHAHSHA APPÜ 8:25

Shejao mehe jeni ne-ee, ha kü jeni monglemjema, jeni ha nenteiaokpai dannyeih.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

PHONGSHANTHÜ DOU 24:25

Pauli shahhing epü, ungeiaeipü hatü ngoikahen shahphenpü nyih nang ejashingkü Felix nyemei pei, hatü, “Shaang shingvaishi hajük vaishah; ngei hepak meipü kü ngei nüng nyüknüng shomphahen hih” shei epeih.

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

MENVIH KESHO 37:7

Shembüpa touei nenmü nyutuh, hatü nenteipai büpa omdantuh; shennyakthüi laophülei lem kü aokpü dangpü eeyei, hatü nemeipü küpjanthü kü aokpü dangpü eeshingkü nüng mongteshang.

ROM SHAHSHA APPÜ 15:4

Mehenangkü nenteiaokpü homei hatü Laihingi mongnang thongpü homei jen monglempü nyuhen nangkü mepa mepa shelei nyang, hayü jen kü nyuhhen nangkü nyangpeih.

SHAKEI VAMPÜ 13:10

“Am wüpküpei daihen mü nyujema wüpküpei daituh; üam yani mahhen mü nyu, yani mahtuh.” Hapayü daülangpüthüi munenhen hatü hinglemhen nangkü thongpü nyüke.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

HEBREW 6:15

hatü hapa keiha Abrahami munenei danpü nangkü hapa lahpü dangpeih.

HEBREW 6:12

Am nehetnewongi nyemtenyu shei hami deihnyeih, shejao hinglempü hatü munenpüthü homei lahtükpü mükjüp dangpü am kei nyuhen nanyüpeih.

TITUS 1:1

Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

2 TIMOTI 3:5

shakdoki Kahvang nyingnyu kei shejao hingshangpü büpalei ngan yaktükpüthü vamkahen. Hathü kübü khaatei nyutuh.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

1 TIMOTI 6:6

Hingmei, Kahvang nyingpü kü mongongpü omshi nanglei longpü nyüpeih;

1 TIMOTI 6:3

Jenei Shembüpa Jisu Khristalei meipü shahthü hatü Kahvang nyingpü lem kü nyuhpüvenpü kü nejiüi lemhük kei üami nyuhnya,

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 TIMOTI 2:10

shejao Kahvang kü dhüm shuohpü nyühathü kei jiübenüng doumei-i owtuh.

1 TIMOTI 2:2

ongthü hatü laphen dok kü vanglem lempüthü shing nyutuh, shejüang jeni Kahvang nyingpü hatü dhüm kohpü kü nenmü hatü chingmei yangnyu nyuaokhen shei ngei nüng kü kangnyeih.

2 THESALONIKA 3:5

Shembüpai ammei mong Kahvangei bampü hatü Khristai shuohpü nenteiaokpü lemei nyemmüma.

2 THESALONIKA 1:4

Hanangkü ammi shüveidoidei hatü hanghi pongpü peü munenei am hinglempü nangkü Kahvangei attoithü khongkü am nangkü ham changmeiyei deihnyeih.

ISAIAH 57:1

Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.