2 PETER 1:21 - DAÜLANGPÜ LAIHING (BSI)

²¹ Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

2 PETER 1:21 Referans Kwoze

1 PETER 1:11

Khrista shangponghen hatü hapheikü müshi müknyinshekhanghen nang jomi tetshingkü jom kü nyupü Khristalei Laanghai hupü hapa hepak hatü laphen yemei danghen kheteke.

LUK SHAHSHA APPÜ 1:70

Büpai aivang den mebü büpalei daülangpü thibüthülei ju homei,

2 SAMUEL 23:2

Shembüpalei laanghai ngei homei enyüpeih, büpalei shah ngelei yeijaangei nyüpeih.

PHONGSHANTHÜ DOU 1:16

“Jeihinaüthü, Jisu yeppü khong kü mübü vaipü Judas nangkü Laangha Daülangpai David homei tetei nyupü laihingü dhaümteke;

HEBREW 10:15

Hapa nang Laangha Daülangpaiyao jen kü denpü shuohnyüke. Shongpü kü büpai enyüke:

PHONGSHANTHÜ DOU 3:18

Hapa keiha mehe Kahvangi büpalei Messiah shangponghen shei thibüthü homei teteivanei nyu, ha jiüteke.

MARK 12:36

Laangha Daülangpü homei Davidi hapakei e: “Shembüpai ngelei Shembüpa kü, ‘Ngei nüngei vepathü nüngei la phangei mangtuh thahshi nüng ngelei lakdah philei uotuh.’ ”

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

HEBREW 3:7

Hanangkü Laangha Daülangpai hei enyüke: “Shinnyih ammi büpalei ngeü bangjema,

BHEI-IE 16:28

Mosai nanglakthü kü, “Hapa keiha Shembüpai hathü dou dükhen Shembüpai ngei shompü khih hatü hayü ngei mongpükei düknyu nevai shei amphongi nyingtuh.

PHONGSHANTHÜ DOU 28:25

Hanangkü jom hüki hük mü shahju nejiütei, hatü jom leidai shingkü Pauli shao shah hük hapakei e: Isaiah thibü homei ammei bühipa kü Laangha Daülangpai epeyü jiüpü khih,

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

HEBREW 9:8

Hapa homei shongpü dung nyupü thahshi Longi Daülangpü Shingei shühen lem ne-ap shei Laangha Daülangpai hunyüke.

1 ONGPATHÜ 13:1

Shembüpai epü nangkü Judah leipü Kahvang shennyak hük Jeroboami moila shuohnüng shei moidü touei yaongshi nyushi aongei Bethel ngoiteke.

JOSHUA 14:6

Shaang Gilgalei nyushi Judah am shennyakthü Joshua touei pei, hatü Kenizz am Jephunnehlei cheha Kalebi büpa kü, “Kahvang shennyak Mosa kü Kadesh-Barnealei nyushi ji nang Shembüpai mehe eshuoh, ha jung nüngi nyingei nyüke.

MIKA 3:7

Eeaokpü mükngan nyupüthü veü ponghen, hatü manghkhang kohpüthü hai danghen. Kahvang leipü jangpü lanshei neshiüpü nangkü jomei ju kümei dhe kü jümlanghen.

2 SHÜPPÜKENGPÜ 8:14

Chepa Davidi dükpü vanglem keiha büpai ngongpathü khong hanpü aimü jomei dousho kü dükhü, hatü Levi ami kesho mühen hatü ngongpathü kü nyihjeih dükhen dousho aimü hanteke. Shao büpai shaden yombüthü jomei khong hanei nyupü aimü shaden peü yomhen Kahvang shennyak Davidi hanpükei hanteke.

2 ONGPATHÜ 6:15

Mechem Kahvang shennyak Elishalei chongphobü nepnüng lomi paojapa, veshanthüi jomei koyeithü, hatü koyei kharithü mütü chingnyü shonlangtü nyu. Büpalei chongphobüi, “Oh ngelei shembü, mekei yahhenang?” shei e.

2 ONGPATHÜ 6:10

Hanangkü Kahvang shennyaki epü lemei nyupü shennyakthü kü Israel ongpai thashimashi nyuhen eshuohteke. Hepak ieshi Elisha-i ongpa kü hapa keipü shingthü kü lishi nyuhen shahvüng shuoh.

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

1 SHÜPPÜKENGPÜ 23:14

Kahvang shennyak Mosalei hapeüthüyü Levi jat aimü ieteke.

2 ONGPATHÜ 4:22

Pinnyüi chepaha kü nyüktü, “Ngei Kahvang shennyak Elisha thibü touei lomi heihtü leikününg chongphobü hük gadu mütü leishih” shei e.

2 ONGPATHÜ 4:9

Pinnyüi chepaha kü, “Veihümao, düngei jenei shem lemei peih-ei laongteiküpü shennyakü Kahvang shennyak khih shei nyingnyüke.

SHAHKÜP 33:1

Hapayü Kahvang shennyak Mosai büpa didaishekü Israel am kü moihiman shuohpü nyüke:

2 ONGPATHÜ 4:7

Pinnyüi vamei Elisha thibü kü ha jung eja, hatü büpai pinnyü kü, “Daiyei ha mainga yutuh, hatü hang shemtüktuh, hatü hapa aopü lopi anhapeü amphongi hahshi nyuaokhen hih” shei e.

JEREMIAH 23:26

Jomei sholi kü lejapü eyei meshük lushi hapa thibüthü nyuhenang?

EZEKIEL 1:3

Babylon kahdok Kebar yungyenei Buzilei cheha Ezekiel ngongpa touei Shembüpalei shah pei, hatü Shembüpalei laki büpa kü dükteke.

MIKA 1:1

Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.