2 PETER 1:18 - DAÜLANGPÜ LAIHING (BSI)

¹⁸ Ham büpa mü daülangpü kahshangei nyushingkü vangsho leipü peiküpü hapa ngeü hamiyao dantepih.

2 PETER 1:18 Referans Kwoze

MATHI 17:6

Mechem nanglomthüi ha danpa, jomphong kahdokei doei sha, hatü nyempai mateke.

JOSHUA 5:15

Shembüpalei veshan mübüi jangei, “Nüngei la leipü lathuth huktüktuh; mehenangkü nüng yaongpü shingü daülangpü shing khih” shei e, hatü epükei Joshua-i lathuth huktük.

MÜLANGPÜ 3:5

“Nüng yopailei teheihkei. Nüngei lathuh bhühtüktuh; mehenangkü nüng yaongpü shingü daülangpü shing khih” shei Kahvangi e.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

MÜLANGPÜ 3:1

Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.