2 PETER 1:12 - DAÜLANGPÜ LAIHING (BSI)

¹² Hanangkü ammi hathü nyingei hatü am touei peiküpü shahhing kü chonglingei nyujao ngei am kü hathü dou nang düngei deihhen enyeih.

2 PETER 1:12 Referans Kwoze

1 JOHAN 2:21

Ngei am kü nyangpeyü ammi shahhing nenyingpü nangkü nevai, shejao ammi ha nyingei nyüke, hatü shahhing kübü shahshem nevamnyih.

PHILIPPI 3:1

Shompülei ngelei jeihinaü hatü nyahinaüthü, Shembüpa kü mongongtuh. Aihük douthü jung shao am touei nyanghenü ngei shingvaishi shanghah nevai, hatü hayü am shing yanglem nyüke.

KOLOSI 2:7

büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

JUD SHAHSHA APPÜ 1:5

Shembüpai denshing chem mon laophülei nanglak Ijip leipü yangei lei, shejao hingnelempüthü mahtükpü jung ammi meishi nyingei nyujao ha deihhen leiyei ehünyüke.

2 JOHAN 1:2

mehenangkü hapa shahhing ham kü nyüke, hatü düngei ham kü nyuhen.

2 PETER 1:13

Ngelei hapa büm yem nyupü thahshi am kü ha douthü deihhühenü jiüpü khih shei ngei deihnyüke.

JUD SHAHSHA APPÜ 1:17

Shejao bampü küphüthü, jenei Shembüpa Jisu Khristalei phongshanthüi tetei epü deih-ei danghümao;

JUD SHAHSHA APPÜ 1:3

Bampü küphüthü, jeni chem kü hean yahpü yemleipü jung am kü nyanghen shei temeilemei nyushingkü denshing chem mon daülangpüthü kü shuohpü jeni vaipü nangkü vehok hokhen khih shei nyanghen hatü khümhen vongbong kei vamteke.

2 PETER 3:17

Hanangkü bampü küphüthü, ammi ha yeihshi nyingphei vütei-i shahkung mangpü shennyakthüi pungpü kü am müei nedaihen, hatü am yangei nyupü laphen kübü nedohhen kenhingtuh.

2 PETER 3:1

Bampü küphüthü, shaang hapai nyipabü lai ngei am kü nyangnyeih. Ngei ha lai nyiyü am kü kenhingmongha chudeih vamhen nangkü deihhen shingvaishi ngei khenyüpeih.

2 PETER 1:15

Ngei dipheikü jiüjiü hepak kü ammi hathü douthü deih-eilehen shingvaishi ngei khehen.

1 PETER 5:12

Hingshangpü jeihinaü shei ngei ieyeilempü Silvanus homei am kü nangthonghen, hatü hapayü hingshangpü Kahvang phahji shei denpü shuoh-ei ngei am kü ha lai shohlohpai nyangnyeih. Hapa kü wong kohshi yaongtuh.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

HEBREW 10:32

Shejao sheleipü nyihthü kü am kü Kahvangei vangngai khangpheikü am shanghah longi pongphei, shejao hapa shanghah-i am neneühüpü deih-ei dangtuh.

2 TIMOTI 1:6

Ngelei lak nüng kü shüngshingkü Kahvangi nüng kü shuohpü thintho ha bahhühen nangkü ngei nüng kü ha deih-ei lehühen enyeih.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

PHONGSHANTHÜ DOU 16:5

Hanangkü attoithü vaipü kü wong koh, hatü nyihjeih nanglak bhei-ie dateke.

KOLOSI 1:5

mehenangkü am shingvaishi vangsholei monglemhen tuh-ei nyüke. Ammi hapa monglem jung shelei-üng shahhing shah, shahjangmei,