2 PETER 1:11 - DAÜLANGPÜ LAIHING (BSI)

¹¹ Mehenangkü hapa lem kü jenei Shembüpa hatü Yemleipü Jisu Khristalei nedohnetenpü ongching kü shühen am shing changshi yahphahen.

2 PETER 1:11 Referans Kwoze

SHAKEI VAMPÜ 5:10

nüngi hathüyü ongching, hatü jenei Kahvang chongphopü ngongpathü leihüteke, hatü jom kahdoknyülei vanglem lemhen.”

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

HEBREW 6:17

Hapa keiha mechem Kahvangi lahtükpü mükjüp danghenthü kü büpalei nejeilepü nyingnyoi mükhong nyeishi lekei huhüpa, büpai hayü lahpü hüki vangpeih.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

JOHAN 10:10

Gühpayü gühhen, jühen hatü mangtükhen nangkü mon peinyeih. Ngeiyü jomphong yangnyuyem nyuhen, hatü changshi nyuhen shingvaishi yiüpeih” shei e.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

EPHESIA 3:20

Shaang jeni phepü hatü deihpü peü kü nyeishi üpai jenei mongkü dou dükpai ha dükei ngoihen aoknya,

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

ISAIAH 35:2

Kolap chü keiha hapa punghen; hapa longi mongonghen hatü mongongpai lenhen. Lebanon amei müknyinshekhang, Karmel hatü Sharon nethe meipü hapa kü shuohhen. Jomi Shembüpalei müknyinshekhang, hatü jenei Kahvang nethe meipü eehen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

MENVIH KESHO 36:8

Jomi nüngei shem leipü hahying hahnyüke, hatü nüng mongongpü yungyen leipü yung yingshuohnyüke.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

1 KORINT 15:24

Büpai vanglem lempü, wong hatü nganthü peü mahtükpheikü büpai ongching Pa Kahvang kü lanei shuohen, hapheikü dohpü ngoihen.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

2 TIMOTI 4:18

Mangi shüveidoideipü peü kübü Shembüpai ngei yangphahen, hatü ngei yangei büpalei vangsho ongchingei ngei mülanghen. Büpa kü müknyinshekhang den den kü nyute. Amen.

2 PETER 1:5

Ha tata kü am hinglempü kü meipü ühen kentuh, hatü meipü mü nyingpü,

2 PETER 2:20

Jenei Shembüpa hatü Yemleipü Jisu Khrista nyingpü homei kahdoknyülei ten kübü yangpheikü, jomi shao ha kü manei neühahjema, shongpü laphen meyü jomphongü dohpülei-üng nemeipüba nyunyeih.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.