2 PETER 1:1 - DAÜLANGPÜ LAIHING (BSI)

¹ Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

2 PETER 1:1 Referans Kwoze

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

TITUS 1:4

Hinglempü kü hean yahpü ngelei hingshangpü hapeü Titus touei Pa Kahvang hatü jen Yemleipüba Jisu Khrista leipü phahji hatü chingmei nyute.

2 KORINT 4:13

“Ngei hinglem, hanangkü ngei epeih” shei laihingei nyangei nyupükei hapa aihük laangha ham kao nyupü nangkü hamao hinglemnyeih hatü hami enyüpeih.

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

ROM SHAHSHA APPÜ 1:12

ha lappai, am hatü ngei aa kü jen hüki hük hinglempü kü nangthongteihen.

2 PETER 1:4

Hathü homei büpai jen kü longi longpü hatü douvang lahpüthü shuohteke, shejüang hathü homei ammi Kahvang nyingnyoi kü hean yah-aokhen hatü mangi yahhahhüpü homei kahdoknyü kü vamhüpü ten kübü yangaokhen.

1 PETER 1:1

Peter, Jisu Khristalei phongshani, Pontus, Galatia, Kappadokia, Asia hatü Bithynia kü haidaipü,

EPHESIA 4:11

Büpai shuohpü thinthothüyü hanei am phongshan vaihen, hanei am thihivam, hanei am chongvenbü, hanei am mi yombü hatü hanei am nyuhbü vaihen;

ROM SHAHSHA APPÜ 1:1

Paul, Khrista Jisu chongphobü, phongshan hük vaihen nyükpü hatü Kahvangei shahjangmei shingvaishi khaatei tuhpü,

LUK SHAHSHA APPÜ 1:47

hatü ngelei laanghai Kahvang, ngei yemleipü kü mongongnyeih;

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

2 TIMOTI 1:5

Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

PHONGSHANTHÜ DOU 15:14

Kahvangi shongei Kung am kü bamei veipü, hatü jom khong kübü laophülei lompü nanglak vaihen yahhen jung Simoni nih-ei eküteke.

MATHI 10:2

Hathüyü nanglom anpünyilei menthü: Shongpü kü Simon, üpa kü Peter sheiyao nyüknya, hatü chenaü Andrew; Zebedeelei cheha Jakob hatü chenaü Johan;

1 PETER 2:7

Shaang am meshüki hapa yaong kü douvang shei hinglem, hapayü douvang, shejao üami ha kü hingnelem, hathü shingvaishi hapayü, “Shem vepüthüi yaktükpü yaong peü mü shongnyü shoukbaong yaong leipeih.”

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

TITUS 1:1

Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

EPHESIA 4:5

Shembüpa hük, hinglempü hük, baptükpü hük,

EPHESIA 3:5

Aivang denthü keyü shaang Laanghai büpalei daülangpü phongshanthü hatü thihivamthü kü shakei vamhüpükei hangku kü ha nenyinghüangpih;

GALATIA 2:8

Jehoda am touei Peter phongshan vaiyei shomhen Kahvangi dou dükpü keiha ngeiyao Kung am touei phongshan vaiyei shomhen büpai dou dükpeih.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

1 KORINT 15:9

Mehenangkü ngeiyü phongshanthü khongkü peü mü maanpü, phongshan shei nyükhen neshangpü; mehenangkü ngei Kahvangei attoi kü shüveihampeih.

1 KORINT 9:1

Ngeiyü bümei nevaipü je? Ngei phongshan hük nevaipü je? Ngei Jisu, jenei Shembüpa ne-eeangpü je? Shembüpa kü amphongü ngeilei dou nevaipü je?

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 1:42

Büpai Jisu touei büpa müei dei. Jisui büpa kü veitü, “Nüngü Johanei cheha Simon. Nüng kü Cephas, (lappai, Peter) shei nyükhen” shei eteke.

LUK SHAHSHA APPÜ 11:49

Hanangkü Kahvangi büpalei kihikoni, ‘Ngei jom touei thibüthü hatü phongshanthü shomhen, jomi hathü hanei jühen hatü shüveihen’ shei eteke;

MATHI 4:18

Büpa Galil yungkungei kamei nyushingkü büpai cheihinaü nyi, Simon, üpa kü Peter shei nyüknya, hatü chenaü Andrew nyi yungchingei shang shepei nyupü ee; mehenangkü jijinyiyü nyah yeppü am nyuteke.

JEREMIAH 33:16

Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

PHILIPPI 1:1

Khrista Jisulei chongphobü Paul hatü Timoti nyi-i Philippilei nyupü Khrista Jisu kü vaipü nanglakthü, hatü attoi mübü hatü deaconthü touei,

JAKOB 1:1

Jakob, Kahvang hatü Shembüpa Jisu Khristalei chongphobüi kahdoknyü kemeilei haidaipü jat anpünyi touei selam.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,