2 ONGPATHÜ 9:6 - DAÜLANGPÜ LAIHING (BSI)

⁶ Jehu yaongei shem mongei shüteke. Hahepak kü thibüpai Jehulei shangjing kü maingai langtü, “Shembüpa, Israel Kahvangi hapakei enyüke: ‘Ngei ngelei nanglak Israel shak kü ong vaihen nüng jenyeih.

2 ONGPATHÜ 9:6 Referans Kwoze

2 SHÜPPÜKENGPÜ 22:7

Joram thümnüng Ahaziah yiüpü homei büpa dohpütenpü ngoihen Kahvangi temtükpü nyu. Mechem büpa yiüei ngoipa, büpai Joram mü chemi Nimshilei cheha Jehu, üpa Kahvangi Ahab am shem jütükhen jepa, büpa mü pongteinüng dai.

2 ONGPATHÜ 9:3

hatü hapa mainga shong leipü mainga yah-ei büpalei shangjing kü langtuh, hatü büpa kü, ‘Shembüpai nüng Israel kü ong vaihen jepüja’ shei etuh, hatü nephei-i sha apei yahshi nüng mokdaituh” shei e.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

ISAIAH 45:1

Shembüpai laophüi jehahpü Cyrus, üpalei lakdahphi kü büpa touei neütükhen, hatü ongthülei wong komtükhen, hatü shem shaden küppü aphen shomnya, büpa kü hapakei enyüke:

MENVIH KESHO 75:6

Shahphenpeyü heong, heshü, apsha, pehe leipü nepeinyih.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

1 ONGPATHÜ 16:2

“Ngei nüngü bhihla kübü homei yah-ei ngelei nanglak Israel amei mübü leihüpeih, shejao nüngi Jeroboamei lemthü kü kamei ngelei nanglak Israel am mang thahhü, hatü jomei mangi ngei mongshihhüteke.

1 ONGPATHÜ 14:7

Leituh, hatü Jeroboam kü, ‘Shembüpa, Israel Kahvangi hapakei enyüke shei etuh: Ngei nüngü nanglakthü khong kübü jeyei ngaiyei ngelei nanglak Israel shak kü mübü hük leihüpeih,

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

1 ONGPATHÜ 3:8

Nüngei chongphobü nüngi jepü nanglakthü, ienüng neaoki longi nyupü khongkü nyüpeih.

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

1 SAMUEL 2:7

Shembüpai taohünyeih, hatü anghünyeih; Büpai maanpü leihünyeih hatü longei anshihnyeih.

1 SAMUEL 2:8

Büpai taopathü kübhih kübü, hatü nehahneyingpüthü depla kübü phuklangnyeih, hatü büpai jom ongthü mü uohünyeih, hatü dhüm kohpü ong uoshing mükjüp danghünyeih. Mehenangkü kahdoknyülei chongnyiam yaongthüyü Shembüpalei; hathü shangkü büpai kahdoknyü lingei tuhpeih.

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

2 ONGPATHÜ 9:5

Mechem büpa hatou ngoipa, büpai veshan mübüthü chemi uoshi heüteke. Büpai, “Ngei shahjang hük koshi nyüpeih” shei e. “Hamphong khongkü üpa kü?” shei Jehui phe. “Nüng kü” shei büpai e.