2 ONGPATHÜ 9:1 - DAÜLANGPÜ LAIHING (BSI)

¹ Hahepak kü Elisha thibüi thibüthü khong kübü thibü hük nyükei büpa kü, “Shünglok loktuh, hatü hapa mainga shong yah-ei Ramoth-Gileadei daituh,

2 ONGPATHÜ 9:1 Referans Kwoze

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

2 ONGPATHÜ 4:29

Büpai Gehazi kü, “Shünglok loktuh hatü ngelei lenshuoh notü leituh. Lemei nüngi mih heüjü shah eteiyei tenyu; mih-i nüng kü hangphüjü shah teleitei. Ngelei lenshuoh hapa naüei dhe kü haüeishuoh” shei e.

1 ONGPATHÜ 1:39

Ngongpa Zadoki ashakshem mongeipü mainga shong yah-ei Solomon kü phuteke, hatü jomi amit vüngtü nanglakthü peüi, “Solomon ongpa yangnyu shoshoshi nyutuh!” shei len,

1 SAMUEL 16:1

Shembüpai Samuel kü, “Ngei Saul Israel amei ong hean kübü yaktükpheikü nüngi meshük lushi büpa nangkü thepeiyoungei nyuhenang? Nüngi shong kü olive mainga maei shihtuh hatü Bethlehem am Jesse touei ngei nüng shomhen; mehenangkü büpalei hapeüthü khongkü ong vaihen hük ngei jepeih” shei e.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

2 ONGPATHÜ 2:3

Bethelei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

1 ONGPATHÜ 22:20

Hatü Shembüpai, ‘Ahabi Ramoth-Gileadei hoknüng aongei mahhühen shingvaishi üpai büpa yawh-aokhen?’ shei e. Hahepak kü hüki lemhük, lebü hüki lemhük eteke.

1 ONGPATHÜ 22:4

Hanangkü büpai Jehoshaphat kü, “Aram ongpalei lak leipü Ramoth-Gilead aetei leinüng nüngi ngei kü vehok kü sheühpha-üla?” shei phe. Jehoshaphati Ahab kü jangei, “Ngeiyü nüng keipü; ngelei nanglakthüyü nüngei nanglak; ngelei koyeithüyü nüngei koyeithü” shei e.

1 ONGPATHÜ 20:35

Shembüpalei shah homei thibü hüki büpa mü nyupü thibü hük kü, “Ngei kü bheishih!” shei e. Shejao hapa shennyaki tah shei e.

1 ONGPATHÜ 18:46

Shejao Shembüpalei ngan Elijah kü pei, hatü büpai büpalei ashak shüng kü wongei hintü Jezreel thahshi Ahab she yeiyei mok.

SHAHKÜP 4:3

Baal Peor kü Shembüpai mehe dükpa amphongei müki lekei eeteke. Büpai Peor amei Baal kahvang kü khümpüthü peü jütük,

2 ONGPATHÜ 4:1

Shaang thibüthü khong kübü shennyak hükei nyüha hük peiyei Elisha kü, “Nüng chongphobü ngelei baha didaiteke, hatü büpai Shembüpa kü nyemshi nyupü nüngi nyingei nyüke. Shejao shaang hami hang shemshuohhen nyupü shennyak peiyei ngelei hapeü nyi hapa hang kü khaplükei aa vainüng yahlanghen enyüke” shei thepei e.

MATHI 26:7

nyüha hük phei longi wongpü vong büpü meli dük hük deiyei büpa haüdü touei uoshi nyushingkü ha yah-ei shangjing kü cheiteke.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.

2 ONGPATHÜ 9:4

Hanangkü nethe thibüpai Ramoth-Gileadei dai.

2 ONGPATHÜ 2:5

Jerikolei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nüngi nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

2 ONGPATHÜ 2:7

Hapheikü thibüthü khong hük jom pinyipüanao jiji phei müei daiyei Elijah hi Elisha nyi Jordan yungyenei uopü shing kübü ajüki khaatei heihtü jomphongao uoteke.

2 ONGPATHÜ 2:15

Jeriko leipü thibüthüi tailei büpa eeyei, “Elijahlei ngan Elisha kü bakshi nyüke” shei e, hatü jomphongi büpa touei peiyei aümei sha.

2 SHÜPPÜKENGPÜ 22:1

Arab am mü peipü vepathüi baümtapei shüei Jehoramei hapeü behethü peü jütükpü nangkü Jerusalem nanglakthüi Jehoramei ha shombü Ahaziah büpa jeiyei ong vaihü. Hanangkü Judah ongpa Jehoramei cheha Ahaziah-i ong vaihen chongpang.

2 SHÜPPÜKENGPÜ 22:5

Ramoth-gileadei Aram am Hazael ongpa khüei Israel am Ahab ongpalei cheha Joram mü sheüh-ei hoknüng daishingkü jomi eshuohpü shah büpai yah, hatü Joram ma yah.