2 ONGPATHÜ 8:3 - DAÜLANGPÜ LAIHING (BSI)

³ Bong nyet dohpü lemei pinnyü Philistia kahdok leipü nyokei leiyei ongpa touei pinnyülei kahdok shemshing yününg pei.

2 ONGPATHÜ 8:3 Referans Kwoze

JEREMIAH 22:16

Büpai taopa hatü nehahneyingpüthü kü jiüpü shahhing dükpeih, hanangkü büpa mü lemphüli meishi nyuhampeih. Ngei nyingtuh shei epeyü ha nevaipü je shei Shembüpai enyüke.

2 ONGPATHÜ 8:6

Ongpai nyühanyü kü hapa jung pheteke, hatü pinnyüi büpa kü hapa jung eteke. Hanangkü ongpai pinnyülei shahhidou henghen lakchongbü hük je, hatü büpa kü, “Pinnyülei kahdok kemei, hatü pinnyü lüdaipü nyih mebü shinnyih thahshi hapa kü dangpü lat kemei nyokei shuohtuh” shei e.

2 ONGPATHÜ 6:26

Shaang Israel ongpa chingnyü bham shangkü kamei nyushingkü nyüha hüki büpa kü lenei, “Ngelei shembü ongpa, ngei kü sheühshih!” shei e.

2 ONGPATHÜ 4:13

Elisha-i büpa kü, “Nüngi henjilei nadang peü kü sheüh-ei hanghi longi vaiteke. Hanangkü ha nangjeiyei nüng kü mehe dükphahenang? Nüngei men kü ham daiyei ongpa kü nevaijü veshan mübü kü shah hük etükkahen hiang shei eyeishuoh” shei e. Pinnyüi jangei, “Ngei ngelei nanglakthü mü nyunyüpeih” shei e.

2 SAMUEL 14:4

Hapa Tekoa am nyühai ongpa touei peiyei büpa kü dhüm shuohei kahdokei dhe aümei shatü, “Oh ongpa, ngei kü sheühshih” shei e.

2 ONGPATHÜ 8:2

Hanangkü Kahvang shennyaki epükei hapa nyühanyüi dükhen layaong, hatü jom shem am daiyei Philistia kahdokei bong nyet nyuteke.

2 ONGPATHÜ 8:4

Shaang ongpai Kahvang chongphobü Gehazi kü, “Elisha-i dükpü yashanpü douthü ngei kü eshih” shei eteiyei nyu.

RUTH 1:7

Pinnyü mü hapa nyüha nyi shei jom nyushing kübü layaongei Judah kahdokei leipü lemei dai.