2 ONGPATHÜ 8:12 - DAÜLANGPÜ LAIHING (BSI)

¹² “Ngelei shembü, nüng mehekei thepnya?” shei Hazaeli phe. Büpai jangei, “Mehenangkü nüngi Israel am kü dükhen nemeipü douthü ngei nyingnyüke. Nüngi jomei pe showtükpü chingnyüthü awi haptükhen, jomei nethethü nüngi jükemhen, jomei maanpü hashihthü yah-ei kahdokei shüktü jütükhen, hatü jomei büm nekongpü nyühathülei vom shaakei jükemhen khih” shei e.

2 ONGPATHÜ 8:12 Referans Kwoze

HOSEA 13:16

Samaria ami jomei mang kohen; Mehenangkü jomi Kahvang khüteke; jom yani mahkemhen, jomei hapeüthü khih mü shaaktükhen, hatü büm nekongpü nyühathülei vom shaaktükhen.

NAHUM 3:10

Shejao pinnyü dangkao wüpküpei yah-ei daiteke, Chingshong shoukhinuk peü kü jomei hashihthü khih mü bheitü jükemteke. Jomei hamhiman peü kü nyiamvüi shateke, hatü vepathüi jom hanlangteke.

2 ONGPATHÜ 15:16

Hahepak kü Menahemi Tirzah leipü layaongei daishingkü Tiphsah ami büpa touei shakei nevampü nangkü büpai hapa chingnyü, hatü halei nyupüthü, hatü ngeihpü shonpü shingthü peü hahteke. Büpai Tiphsah hahtü büm nekongpü nyühathü peü vom shaakei jükemteke.

2 ONGPATHÜ 13:3

Hanangkü Shembüpai Israel am kü longi mongshihpü nangkü hepak luangi Aram am Hazael ongpa, hatü Hazaelei cheha Ben-Hadad nyilei lak kü nyokei leiyei shuoh.

2 ONGPATHÜ 12:17

Hahepak kü Aram am Hazael ongpai Gath chingnyü hah, hatü omei yah. Shejao mechem büpai Jerusalemao hahhen yaongpa,

AMOS 1:13

Shembüpai hapakei enyüke: Ammon amei mang jem nangkü, hatü ali shingvaishi ngei hanghi neyahlangpih; mehenangkü jomei kahmük viong dahen nangkü Gilead amei büm nekongpü nyühathülei vom shaaktükteke.

ISAIAH 13:16

Jomei müki eeshi jomei naüthü khih mü nihtükhen, jomei shemdouthü kemei paangei shetlanghen, jomei nyühathü shüei yahlanghen.

2 ONGPATHÜ 13:7

Hanangkü koyei veshan pinyipüan, koyei khari an, hatü la mü daiyei hokpü veshan haja an mü lenei Jehoahazlei veshan lebü ne-ao; mehenangkü Aram ongpai kübhih leishi shuopei mahtükkem.

HOSEA 10:14

Ammei nanglakthü khüei vehok vamkahen, hatü ammei penyüsha bentükhen. Hapayü Shalman ongpai Beth-Arbel vehok kü nyü, hatü hapeüthü ngümei jüpükei nyukahen.

ISAIAH 13:18

Jomei lahhani nethethü jütükhen, jomi kahmong nyemha kü phahjiei nedeihhen, jomi hashihthü kü shinshangei neveihen.

2 ONGPATHÜ 4:28

Hahepak kü pinnyüi büpa kü, “Ngei nüng kü hapeü yahshih shei yüphüla, ngelei shembü? Ngei angkü monglemhen mü shahshem te-epha shei ngei nüng kü ela?” shei e.

1 ONGPATHÜ 18:13

Mechem Jezebeli Shembüpalei thibüthü jütükkempa, ngei Shembüpalei thibüthü kho hük müei daiyei yaongsha nyi kü pinyipüan baong johütü hahying üh-ei angpü ngelei shembü kü üpaiyao ne-ephaangpü je?

1 ONGPATHÜ 19:17

Hazael toueipü nyaiyei yangpüthü Jehu-i jühen, hatü Jehu toueipü nyaiyei yangpüthü Elisha-i jühen.

2 ONGPATHÜ 13:22

Aram am Hazael ongpai Jehoahaz-i vanglem lempü yangkemei kü Israel am kü shüvei.

2 ONGPATHÜ 12:18

Judah ongpa Joash-i Judah amei ongthü Jehoshaphat, Jehoram hatü Ahaziah hathüi daüeitüktü tuhpü daülangpü douthü, hatü büpa nyingi shuohpü thinthothü mü Shembüpalei shem, hatü ongshemei nyupü hon kemei yah-ei Aram am Hazael ongpa kü shomtük. Hanangkü Hazael ongpai Jerusalem nehah-i nyokei leidai.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!