2 ONGPATHÜ 8:1 - DAÜLANGPÜ LAIHING (BSI)

¹ Shaang Elisha-i Shunamlanyü, üpalei cheha yangei leishihpa, pinnyü kü, “Nüngei shem am müei daiyei nüngi mongpü shingei nyutuh; mehenangkü Shembüpai hapa kahdok kü shaühile hük peihühen temei nyüke, hatü hapayü bong nyet nyukahen” shei e.

2 ONGPATHÜ 8:1 Referans Kwoze

HAGGAI 1:11

Ngei kahdok hatü shangtaothü, sheilivungla, yiünaü, mainga hatü lemphü kahdoki vamhüpü, hangkuli hatü yemhimak hatü lemphü ammei lak kü vampü kü ühivan shuohpeih.”

MENVIH KESHO 105:16

Mechem büpai kahdok khüei chamhilem shompa, hatü jomei hahying peü mangtükpa,

RUTH 1:1

Shahphenbüthüi vanglem lempü nyih kü kahmük kü münghishaü hük pei, hatü Judah kahdok Bethlehem leipü shennyak hük chenyüha hatü cheha yeshang nyi mütü kansho hük shing Moab kahdokei nyunüng dai.

2 ONGPATHÜ 4:18

Hapa naü longei nyih hük hah vetpüthü mü nyupü chepa touei heihteke.

KAHBHAO 12:10

Shaang hapa kahdokei münghishaü vam, hanangkü Abram hi Sarai nyi-i münghishaü nangkü kansho hük shingvaishi Ijiplei nyunüng yiü.

LUK SHAHSHA APPÜ 4:25

Ngei hingmei enyeih, Elijahlei hepak kü Israel kü vaümnyü longi nyu; hahepak kü vangsho küplangtü vang nekei-i vangbong jem mü bhaoei nyu, hatü kahdok peü kü münghishaü nemei-i nyuteke;

1 ONGPATHÜ 18:2

Hanangkü Elijah-i Ahab touei peihen layaongei dai. Shaang Samarialei aeipülepü longi mangshi nyuteke.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

PHONGSHANTHÜ DOU 11:28

Jomphong khongkü Agabus shei menpü hük yaongei kahdoknyü peü kü münghishaü mangshi nyuhen khih shei Laangha homei tetei e, hatü hapayü Klaudius-i vanglem lempü hepak kü vamteke.

LUK SHAHSHA APPÜ 21:22

Mehenangkü hathüyü nyangei nyupü peü jiüei bhüh yempü nyih.

LUK SHAHSHA APPÜ 21:11

Pedi vükpü nyuhen, hatü shing longilei shaühile, hatü chamhilem, hatü vangsholei nyembenüng douthü hatü nyangeihepü nyukahen.”

JEREMIAH 25:29

Veituh, ngelei men kü nyükpü hapa chingnyü kü shanghah koei peikünyeih, hatü am nehanghi-i nyuaokhen je? Am hangnehi-i nenyupih; mehenangkü ngei kahdoknyülei nyupüthü peü touei yan kü nyüknyüpeih shei Jeiyong Shembüpai enyüke.

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

2 SAMUEL 24:13

Hanangkü David touei Gad peiyei büpa kü, ‘Nüngei kahmük kü münghishaü bong jem thahshi peikahen hi, nevaijü lenyang jem thahshi nüngei vepathüi nüng kü changpü kü nyaiteihen hi, nevaijü nüngei kahmük kü cham nyih jem peihahhenang? Shaang hapa kü deih-ei veitü ngei shompü Shembüpa kü mehe shahnyok shuohhen eshih’ ” shei e.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

KAHBHAO 47:4

Jomphongi Pharaoh kü, “Hamphongü hapa kahdokei yenpa kei kanja nyunüng peiküpeih; mehenangkü Kanan kahdokei münghishaü longi nemei-i peipü nangkü nüngei chongphobüthülei yemhimak kü het ühshing neshiü. Shaang, hami nüng kü khümei phehüpeyü nüngei chongphobüthü kü Goshenei nyuhen hanshih” shei e.

KAHBHAO 41:32

Aihük mangh nyi manghpeyü Kahvangi ha temtüktü nyüke, hatü büpai ha lomi koei peikahen.”

KAHBHAO 41:25

Hahepak kü Joseph-i Pharaoh kü, “Hapa mangh nyiphen aihük mon khih; Kahvangi mehe dükhen nyu, ha shakei vamei hupü khih.

KAHBHAO 26:1

Shelei Abrahamei hepak kü peipü münghishaü keiha shao hapa kahdok kü münghishaü pei, hatü Gerar leipü Philistia am Abimelekh ong touei Isak heih.

KAHBHAO 41:54

hatü Joseph-i epükei bong nyet münghishaü peihen pangteke. Kahdoknyü kempülei münghishaü pei, shejao Ijiplei mon hahying nyu.

2 ONGPATHÜ 4:38

Mechem Elisha Gilgalei nyokei leipa, halei kahmük kü shaühile nyuteke. Mechem thibüthü büpa mü uoshi nyupa, büpai büpalei chongphobü kü, “Düknyü longpü hük chantuh, hatü hathü thibü khong shingvaishi hao baüei cheütuh” shei e.

2 ONGPATHÜ 7:20

Büpa kü hapa jiüshi dhaümteke; mehenangkü shennyakthüi büpa kü peshadenei la-i shoupei jü.

2 ONGPATHÜ 8:2

Hanangkü Kahvang shennyaki epükei hapa nyühanyüi dükhen layaong, hatü jom shem am daiyei Philistia kahdokei bong nyet nyuteke.

2 ONGPATHÜ 4:36

Elisha-i Gehazi kü nyüktü, “Shunamlanyü kü nyükeishuoh” shei e. Hanangkü büpai pinnyü kü nyük. Mechem pinnyü peijapa, “Anha yahlangtuh” shei e.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.