2 ONGPATHÜ 7:9 - DAÜLANGPÜ LAIHING (BSI)

⁹ Hahepak kü jomi hüki hük kü, “Jeni mehe düknya, hayü nejiüpü dou khih. Hapayü shahjang meipü nyih khih; hayü jen nyingi jolangnyu khih. Jeni vangngaipü thahshi ha ne-ejema, hingmei hanghi danghen khih. Hanangkü jen chem leiyei ongpalei lakchongbüthü kü ejashah” shei etei.

2 ONGPATHÜ 7:9 Referans Kwoze

ISAIAH 52:7

Phongmokbü hüki kahshangthü homei chingmeivangmei baongei, shahjangmei kotü yemleipü baongei Zion am kü, “Ammei Kahvangü Ongpa” shei peipü la meshük nethe meipa!

PHILIPPI 2:4

Am peüi laophü lomja meihen mon tevei shejao mih meihenao veituh.

NAHUM 1:15

Antolei kahshangthülei chingmeivangmei shahjangmei kotü peiküpü shahjang kobü kü veihümao! Oh Judah nanglakthü, ammei monyü moha motuh, hatü ammi lahtükpü düktuh. Hajük kü nemeipü ami am shak kü neaokhüpih; Jomü chemjalak kü mahdaiteke.

ISAIAH 41:27

Zion kü hapa jung shongei epü, hatü Jerusalem kü shahjangmei shuohpeyü ngei hih.

2 ONGPATHÜ 7:3

Shaang chingnyü penyüsha haolei ngombüthü jom ali nyu. Jom hüki hük mü, “Jen dipü thahshi mehekei hamü nyuhen?

BHEI-IE 32:23

Shejao ammi etükpü nedükjema, ammi Shembüpa tou kü mang thahhen; hatü ammei mangi am hanghihen.

LUK SHAHSHA APPÜ 2:10

Shejao vangsho phongshani jomphong kü, “Amphong tenyem; mehenangkü veituh, ngei am touei nanglak peü shingvaishi mongong longpü shahjang meipü koei peikünyeih:

KANDOK 24:16

Mehenangkü jom nyetpa dolangmao, jomphong shao-üng paokahen; shejao mangthü vongshüh-i mahkemhen.

2 ONGPATHÜ 7:6

mehenangkü Shembüpai Aram am kü koyei kharithü, koyeithü, hatü veshanthü khong longpülei ngeü danhü, hatü jom jom hüki hük kü, “Israel ongpai Hit hatü Ijip ongthü jen mü khüei hokhen chüngei nyupü khih” shei etei.

2 ONGPATHÜ 7:8

Ngombüthüi baümtap jung phihük ngoiyei ashakshem hükei shüteke. Jomi hahying hah, hatü haleipü hon hi ngin, ashakviha yah-ei daiyei jotükkem. Shejao jom leilemei baümtap hükei shü, hatü haleipü dou hanei yah-ei hathüao jophong.

2 ONGPATHÜ 7:10

Hanangkü jomi Aram amei baümtap leipü Samarialei leiyei chingnyü penyüsha yompüthü kü, “Ham Aram amei baümtapei peipeih, shejao shennyak hükao ne-ee, meheyao nedan, shejao koyei hatü gaduthü shenshi, hatü ashakshemthü hei-üng tuh-ei nyuküpeih” shei ejateke.

2 ONGPATHÜ 5:4

Israel am nelanyüi ha epü danei Naamani ongpa touei peiyei ha jung ejateke.