2 ONGPATHÜ 7:6 - DAÜLANGPÜ LAIHING (BSI)

⁶ mehenangkü Shembüpai Aram am kü koyei kharithü, koyeithü, hatü veshanthü khong longpülei ngeü danhü, hatü jom jom hüki hük kü, “Israel ongpai Hit hatü Ijip ongthü jen mü khüei hokhen chüngei nyupü khih” shei etei.

2 ONGPATHÜ 7:6 Referans Kwoze

2 SAMUEL 5:24

Mechem ammi balsam püshangei mokpü ngeü danhenshang am hakatuh hatü hokhen pangtuh; mehenangkü hapa lappeyü Shembüpai Philistia am veshanthü jühen am shekü dainyu khih shei nyingtuh” shei e.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

1 ONGPATHÜ 10:29

Ijip leipü koyei khari hük kü ngin lop kho hük mü pinyipüan hatü koyei kü 150 shuohtü leiham. Jomi shao Hit hatü Aram am ongpathü kao yushuohhamteke.

SHAKEI VAMPÜ 9:9

jomei ka jaküpnyiam kei, hatü jomei ngeü koyei khari longi vehokei daipü ngeü kei nyuteke.

EZEKIEL 10:5

Cherubimi yang dheüpü chingshe thahshi dan, hatü hapayü Jeiyong Kahvangi epü ngeü kei nyuteke.

ISAIAH 36:9

Ijip ami nüng kü koyei khari hatü koyei veshan yahphahen hih shei ejao nüngi ngelei shembü ongpalei peü mü maanpü lakchongbü mü dangkao mekei etü hokaokhen?

MENVIH KESHO 14:5

Halei jomi nyempai maei nyuhen, mehenangkü Kahvangü daülangpüthü khong mü omshi nyüpeih.

JOB SHAHSHA APPÜ 15:21

Nyempühanpü ngeüi büpalei dhaong mahen; yangei nyüpeih shei deihshingkü gühpathülei lak kü büpa mahtükhen.

2 ONGPATHÜ 19:7

Ahpühupü ngeü danhen mü ngei büpa kü laangha hük shuohhen, hatü büpa laophülei kahdokei nyokei leihen, hatü ngei büpa laophülei kahdokei yani mahhühen” shei e.

1 SAMUEL 14:15

Hahepak kü veshanthü kemei baümtapei, kahlei, veyomdülei hatü thepju kü yaongpüthü kemei nyemdai; kahdok jenteke hatü nyempüvüngpü longi nyuteke.

1 SAMUEL 26:6

Hahepak kü Davidi Hit am Ahimelekh hatü Zeruiahlei cheha Abishai Joabei chenaü kü, “Saulei baümtapei ngei mü üpa yiükahen ang?” shei phe. Abishai-i, “Ngei yiükahen hih” shei e.

2 SAMUEL 10:6

Mechem Ammon ami David mü ve leiteke shei nyingpa, Ammon ami Beth-Rehob hatü Zobah leipü Aramea am la mü daiyei hokpü veshan haja kukha, hatü Maakah ongpa leipü veshan haja hük, hatü Tob leipü veshan haja anpünyi phuoei yahteke.

2 ONGPATHÜ 7:5

Hanangkü pibom kü jom Aram amei baümtapei aong. Shejao mechem jomi baümtap jung phihük ngoipa, halei shennyak hükao nenyuja;

JEREMIAH 46:21

Jomi leihahpü kung am veshanthüyü mohoh cheha nitshüpü kei nyüke. Jomao dok lepei chemi nyaidaiteke, jom vepa düngei neyaongaok; mehenangkü jom shanghahhen nyih hük, hatü jom hanghihen hepak hük peikünyüke.

EZEKIEL 1:24

Mechem yemhathü pihenshang, ngei jomei yang ngeü yungching yungmok ngeü kei, Jeiyong Kahvangei ngeü kei, hatü veshan khong longpülei ngeü kei dan.

SHAHPHENBÜTHÜ 7:21

Mechem jomi laophü yaongpü shingei baümtap shinei yaongshi nyupa, baümtap mongeipü shennyakthü kemei nyemei vaüyaki nyaidaikem.

1 ONGPATHÜ 20:20

hatü shennyak peüi laophülei vepa jü. Hahepak keyü Aram am nyemei nyai, shejao Israel ami changei dai. Shejao Aram ongpa Ben-Hadad-ü büpalei koyei veshanthü hanei mü nyaiyei yangdai.