2 ONGPATHÜ 5:8 - DAÜLANGPÜ LAIHING (BSI)

⁸ Shejao mechem Kahvang shennyak Elisha-i Israel ongpai büm-ow shaaktükpü jung danpa, büpai ongpa kü hapa shah shom. “Nüngi mehekei nüngei büm-ow shaaktükpa? Hapa shennyakü ngei touei deishih; shejüang büpai Israel kü thibü hük nyüke shei nyinghen” shei e.

2 ONGPATHÜ 5:8 Referans Kwoze

ROM SHAHSHA APPÜ 11:13

Shaang ngei am Kung am kü enyeih. Ngei Kung amei phongshan vaipü nangkü ngei ngelei chongphopü dousho müknyinshekhangnyeih;

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

EZEKIEL 2:5

Jomü khüei yaongpü mükhiphang– jomi bangjao nebangjao jomi jom touei thibü hük nyüpeih shei nyinghen,

2 ONGPATHÜ 5:15

Hapheikü Naaman hatü büpa mü nyupüthü peü Kahvang shennyak touei nyokei leiyei büpa touei yaongtü, “Israel mü lenei kahdoknyü kü meleiyao Kahvang neshiü shei nyingteke. Chingmeilemlingei nüngei chongphobü leipü hapa laklei yahtuh” shei e.

2 ONGPATHÜ 5:7

Mechem Israel ongpai hapa lai iepa, büpai laophülei büm-ow shaaktü, “Ngeiyü Kahvang je? Ngei mih jütü yangei leishih-aokhen je? Mehekei hapa shennyaki ngomdin kohpü shennyak meihütuh shei shah shompa? Büpayü ngei mü hokhen lem yemhen khenyu khih” shei e.

2 ONGPATHÜ 5:3

Pinnyüi laophülei shembülanyü kü, “Ngelei shembü Naamani paoh Samarialei nyupü thibüpa touei peijalangmeyü büpai büpalei ngomdin meitükaokhah shepeih” shei e.

2 ONGPATHÜ 1:6

Jomi büpa kü, “Shennyak hük ham mü pongteinüng peiküpeih, hatü büpai hamphong kü, ‘Amphong deishihpü ongpa touei nyokei leituh, hatü büpa kü, Israel Kahvang neshiüpü vaishi Ekron amei kahvang kü phehen shompü je? Hanangkü nüng shaang lemshi nyupü lüng kübü nepao-i nüng dihen Shembüpai enyüke’ shei ephopeih” shei eteke.

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

2 SAMUEL 3:31

Hapheikü Davidi Joab hatü büpa mü nyupü shennyakthü kü, “Ammei büm-ow shaaktuh; dhoila ashak ümtü Abner nangkü mahng theptuh” shei e, hatü mahng vühen daishingkü David ongpa mahng pheilei müei dai.

MÜLANGPÜ 11:8

Hahepak kü nüngei lakchongbüthü peü ngei touei peiyei aümei shatü, ‘Nüng hatü nüng pheikü müpü nanglakthü leituh’ shei ehen. Hapheikü mon ngei leidaihen” shei eteke. Hapheikü Mosai mongshih wong kempai Pharaoh toueipü leidai.

1 SAMUEL 9:6

Shejao naüi büpa kü, “Hapa jilalei Kahvang shennyak hük nyüpeih; büpayü mih peüi longi dhüm kohshi noteinyeih. Büpai epü peü jiüshi khan vamnyuja. Jiyao halei heihshah; üpai nyingpa, ji melemei yemhen ephanüng aokpeih” shei e.

1 ONGPATHÜ 12:22

Shejao Kahvangei shah Kahvang shennyak Shemaiah touei peiyei,

2 ONGPATHÜ 5:9

Hanangkü Naamani büpalei koyeithü, hatü koyei kharithü mütü heih-ei Elishalei shem shadenei yaong.