2 ONGPATHÜ 4:9 - DAÜLANGPÜ LAIHING (BSI)

⁹ Pinnyüi chepaha kü, “Veihümao, düngei jenei shem lemei peih-ei laongteiküpü shennyakü Kahvang shennyak khih shei nyingnyüke.

2 ONGPATHÜ 4:9 Referans Kwoze

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

2 ONGPATHÜ 4:7

Pinnyüi vamei Elisha thibü kü ha jung eja, hatü büpai pinnyü kü, “Daiyei ha mainga yutuh, hatü hang shemtüktuh, hatü hapa aopü lopi anhapeü amphongi hahshi nyuaokhen hih” shei e.

TITUS 1:8

shejao büpayü yen kü bampü, mei kü bampü, kenhingpü, kangshangpü, daülangpü hatü laophü nying ungei-aeipü vaihen vongbong.

1 THESALONIKA 2:10

Am vaipüthü touei ham mekei daülangi, jiüshi hatü eela neshiüi nyupa, am hatü Kahvangao ha denbü nyüke.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 PETER 3:1

Nyühathü, ha aihük mü amphongi laophülei baha phangkü nyutuh; shejüang jom hanei Kahvangei shah kü hingnelemjao, shah ne-e-i ammei dükhiling meipü homei jom mong lepei leiaokhen;

SHAHKÜP 33:1

Hapayü Kahvang shennyak Mosai büpa didaishekü Israel am kü moihiman shuohpü nyüke:

2 PETER 3:2

Peihdaipü hepak kü daülangpü thihivamthüi epü shahthü hatü Shembüpalei shahkung hatü ammei phongshanthü homei Yemleipübai epü shahthü deih-ei dangtuh.

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

1 ONGPATHÜ 13:1

Shembüpai epü nangkü Judah leipü Kahvang shennyak hük Jeroboami moila shuohnüng shei moidü touei yaongshi nyushi aongei Bethel ngoiteke.

2 SHÜPPÜKENGPÜ 25:7

Shejao büpa touei thibü hük peiyei, “Oh ongpa, nüngi Israel leipü müei leipü veshanthü nüng mü vehokei tedei; mehenangkü Shembüpayü Israel am mü Ephraim nanglak üpa mao büpa nenyu.