2 ONGPATHÜ 4:16 - DAÜLANGPÜ LAIHING (BSI)

¹⁶ Elisha-i pinnyü kü, “Ngüvang shaangkei yeshang hük paümshi nyuhen hih” shei e. Pinnyüi, “Nevai, ngelei shembü, nüngei chongphobü kü shahshem te-epha; Oh nüngü Kahvang shennyak hük khih!” shei e.

2 ONGPATHÜ 4:16 Referans Kwoze

KAHBHAO 18:10

Hahepak kü hathü khongkü hüki, “Jiüpü hepak kü ngei nyokei leikahen; hahepak kü anyüha Sarah-i yeshang bühei nyuhen hih” shei e. Hahepak kü Sarahyü büpalei ngaümpheilei shadenei yaongshi nyu.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

2 ONGPATHÜ 4:28

Hahepak kü pinnyüi büpa kü, “Ngei nüng kü hapeü yahshih shei yüphüla, ngelei shembü? Ngei angkü monglemhen mü shahshem te-epha shei ngei nüng kü ela?” shei e.

KAHBHAO 17:21

Shejao ngüvang shaangkei Sarah-i bühkahen nyupü anha Isak mü mon ngei vangpüshuwpü linghen” shei e.

MENVIH KESHO 116:11

Ngei longi mongshang kü nyushing kü, “Peü shahshem khih” shei epeih.

2 ONGPATHÜ 2:19

Shaang hapa chingnyü kübü shennyakthüi Elisha kü, “Hapa chingnyü-ü shinghiphei ahshi-üng meishi, ha nüngiyao eeyei nyüke. Shejao yung nemei, hatü kahdok kü betjükvungjük nejüknyu” shei e.

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 ONGPATHÜ 18:9

Obadiah-i, “Nüngei chongphobü ngei Ahabi nyemjütük shei büpalei lak kü lanei shuohhen mü ngei mehe nejiüpü dükphopa?” shei phe.

2 ONGPATHÜ 4:15

Büpai, “Pinnyü kü nyüktuh” shei e. Mechem büpai pinnyü kü nyükshuohpa, pinnyü peiyei yaong.

2 ONGPATHÜ 4:17

Elisha-i pinnyü kü epü keiha hapa nyüha büm nekongi lei, hatü vangphei hapa hepak kü jiüshi pinnyüi yeshang hük angteke.

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.