2 ONGPATHÜ 4:14 - DAÜLANGPÜ LAIHING (BSI)

¹⁴ Elisha-i Gehazi kü, “Pinnyü kü mehe dükshuohjü meihenang?” shei phe. Gehazi-i, “Jomü hapeü neshiü, hatü chepahayü viüdaiteke” shei e.

2 ONGPATHÜ 4:14 Referans Kwoze

LUK SHAHSHA APPÜ 1:7

Shejao jiji hapeü nenyu; mehenangkü Elizabeth-ü nyülan nyu, hatü jijiphen vangbongi behe leidaitü nyu.

1 SAMUEL 1:8

Elkanah-i pinnyü kü, “Hannah, nüng mehekei thepnya? Nüng mehekei nük nehahnya? Mehekei mongmangei mon nyunya? Hapeüthü nethe an mao ngei nyeipü nevaipü je?” shei e.

SHAHPHENBÜTHÜ 13:2

Hahepak kü Zorah am shennyak hük Dan phang am meni Manoah shei nyu. Büpalei chenyühayü hapeü nebüh-i nyülan vaishi nyu.

KAHBHAO 25:21

Isaki chenyüha Rebekah shing Shembüpa kü phop; mehenangkü pinnyü nyülan vaishi nyu, hatü Kahvangi büpai phoppü kü jangei Rebekah büm nekongi lei.

1 SAMUEL 1:2

Büpai nyüha nyi yah; hükei menü Hannah hatü hükpalei menü Peninnah nyuteke. Peninnah leiyü hapeüthü nyu shejao Hannahlei hapeü nenyu.

KAHBHAO 30:1

Mechem Racheli Jakob kü naü hükao nebühja shei veiaokpa, pinnyüi chenya kü mükhakei deih. Hanangkü pinnyüi Jakob kü, “Ngei kü naü yahshih, hei nevaijema ngei didaihen hih” shei e.

KAHBHAO 17:17

Abrahami aümei shatü büpa nying nyiyei, “Bong kho hük pajei hüki hapeü anghen je? Bong 90 lomdaipü Sarah-i naü bühhen je?” shei e.

2 ONGPATHÜ 4:13

Elisha-i büpa kü, “Nüngi henjilei nadang peü kü sheüh-ei hanghi longi vaiteke. Hanangkü ha nangjeiyei nüng kü mehe dükphahenang? Nüngei men kü ham daiyei ongpa kü nevaijü veshan mübü kü shah hük etükkahen hiang shei eyeishuoh” shei e. Pinnyüi jangei, “Ngei ngelei nanglakthü mü nyunyüpeih” shei e.

2 ONGPATHÜ 4:15

Büpai, “Pinnyü kü nyüktuh” shei e. Mechem büpai pinnyü kü nyükshuohpa, pinnyü peiyei yaong.