2 ONGPATHÜ 4:13 - DAÜLANGPÜ LAIHING (BSI)

¹³ Elisha-i büpa kü, “Nüngi henjilei nadang peü kü sheüh-ei hanghi longi vaiteke. Hanangkü ha nangjeiyei nüng kü mehe dükphahenang? Nüngei men kü ham daiyei ongpa kü nevaijü veshan mübü kü shah hük etükkahen hiang shei eyeishuoh” shei e. Pinnyüi jangei, “Ngei ngelei nanglakthü mü nyunyüpeih” shei e.

2 ONGPATHÜ 4:13 Referans Kwoze

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

ROM SHAHSHA APPÜ 16:6

Am mü dou kheyei dükpü Mary kü selam ete.

ROM SHAHSHA APPÜ 16:2

Daülangpüthüi dükhen jiüpükei amphongi Shembüpa kü pinnyü mongongshi yahtuh, hatü pinnyüi am leipü mehe yüphahen yah-eishuoh; mehenangkü pinnyü-ü longi kü hatü ngei kao nanglei shuohhampeih.

MENVIH KESHO 37:3

Shembüpa kü hinglemtuh, mei düktuh; shejüang am hapa kahdok kü nyuhen, hatü meishi mongongshi nyuhen.

2 SAMUEL 19:13

Davidi Amasa kao, “Nüngü ngelei iy hatü ngelei phai nevaipü je? Shaang mü leitü Joab nangjei nüng ngelei veshan mübü nevaihüjema Kahvangi ngei kao ha mü nyeishi nyemdükpha” shei e.

2 ONGPATHÜ 9:5

Mechem büpa hatou ngoipa, büpai veshan mübüthü chemi uoshi heüteke. Büpai, “Ngei shahjang hük koshi nyüpeih” shei e. “Hamphong khongkü üpa kü?” shei Jehui phe. “Nüng kü” shei büpai e.

2 ONGPATHÜ 8:1

Shaang Elisha-i Shunamlanyü, üpalei cheha yangei leishihpa, pinnyü kü, “Nüngei shem am müei daiyei nüngi mongpü shingei nyutuh; mehenangkü Shembüpai hapa kahdok kü shaühile hük peihühen temei nyüke, hatü hapayü bong nyet nyukahen” shei e.

1 ONGPATHÜ 2:32

Büpai mih jüpü kü Shembüpai büpa kao ha nyemshemshuoh; mehenangkü büpai büpa mao daülangpü hatü meipü shennyak, Nerlei cheha Abner, Israel amei veshan mübü hatü Jetherlei cheha Amasa, Judah amei veshan mübü nyi opa Davidi nenyingi jütükpeih.

KAHBHAO 14:24

Ngei payü meheyao neyahhahpih, shejao nethethüi mehe hah, hatü ngei mü daipü Aner, Eshkol hatü Mamre hathülei phaihan nyemyahhah” shei eteke.

2 ONGPATHÜ 4:12

Büpai laophülei chongphobü Gehazi kü, “Hapa Shunam lanyü kü nyükeishuoh” shei e. Hanangkü büpai pinnyü nyükei dei, hatü pinnyü büpa touei yaong.

2 ONGPATHÜ 4:14

Elisha-i Gehazi kü, “Pinnyü kü mehe dükshuohjü meihenang?” shei phe. Gehazi-i, “Jomü hapeü neshiü, hatü chepahayü viüdaiteke” shei e.