2 ONGPATHÜ 4:12 - DAÜLANGPÜ LAIHING (BSI)

¹² Büpai laophülei chongphobü Gehazi kü, “Hapa Shunam lanyü kü nyükeishuoh” shei e. Hanangkü büpai pinnyü nyükei dei, hatü pinnyü büpa touei yaong.

2 ONGPATHÜ 4:12 Referans Kwoze

1 ONGPATHÜ 18:43

Büpai büpalei chongphobü kü, “Aongei yungching philei veihü” shei e. Büpai aongei veitü, “Meheyao neshiü” shei e. Ha hepak kü büpai, “Shao nyetpa aongei veihü” shei e.

PHONGSHANTHÜ DOU 13:5

Mechem jomphong Salamis ngoipa, jomphong Jehoda amei Sinagoglei Kahvangei shah chongven. Jiji mü sheühteihen Johanao jiji mü nyuteke.

2 ONGPATHÜ 3:11

Shejao Jehoshaphat ongpai, “Jeni Shembüpa kü phehen shingvaishi Shembüpalei thibü hükao nenyupü je?” shei phe. Hahepak kü Israel ongpalei lakchongbü hüki, “Elijahlei lak kü yung cheihampü Shaphatei cheha Elisha halei nyüke” shei e.

1 ONGPATHÜ 19:3

Elijah-i ha kü nyemei yanglem yemei büpalei chongphobü mütü Judah kahdok Beer-shebalei lüdai. Büpalei chongphobü halei tuhphongtü,

2 ONGPATHÜ 4:11

Mechem nyih hük büpa Shunamei peipa, büpai hapa dungnukei aongei nyiumeiyei lemshi nyu.

2 ONGPATHÜ 4:13

Elisha-i büpa kü, “Nüngi henjilei nadang peü kü sheüh-ei hanghi longi vaiteke. Hanangkü ha nangjeiyei nüng kü mehe dükphahenang? Nüngei men kü ham daiyei ongpa kü nevaijü veshan mübü kü shah hük etükkahen hiang shei eyeishuoh” shei e. Pinnyüi jangei, “Ngei ngelei nanglakthü mü nyunyüpeih” shei e.