2 ONGPATHÜ 4:1 - DAÜLANGPÜ LAIHING (BSI)

¹ Shaang thibüthü khong kübü shennyak hükei nyüha hük peiyei Elisha kü, “Nüng chongphobü ngelei baha didaiteke, hatü büpai Shembüpa kü nyemshi nyupü nüngi nyingei nyüke. Shejao shaang hami hang shemshuohhen nyupü shennyak peiyei ngelei hapeü nyi hapa hang kü khaplükei aa vainüng yahlanghen enyüke” shei thepei e.

2 ONGPATHÜ 4:1 Referans Kwoze

MATHI 18:25

hatü büpai ha neshemaokpü nangkü shembüi büpa kü chenyüha, hapeüthü hatü angpü mop kemei yutü shemhen eteke.

2 ONGPATHÜ 2:3

Bethelei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

SHAKEI VAMPÜ 19:5

Hahepak kü ong uoshing leipü ngeü hük vamei hapakei e: “Jenei Kahvang vihtuh, amphong büpa chongphopüthü peü, hatü büpa kü nyempü longpü maanpü peü.”

MATHI 18:30

Shejao büpai ha nemong, hatü büpai büpa müei daiyei ha hang mangshem thahshi khoklatei küpei tuh.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

MENVIH KESHO 103:17

Shejao Shembüpa bampeyü nedohnetenpü kübü nedohnetenpü ngoishi büpa nyempüthü shing nyüke, hatü büpa daülangshemshepü hüdenhalenshi;

MENVIH KESHO 103:11

Kahdok shak kü vangsho shaopü keiha, büpa nyempüthü kübüpa bampü longshi nyüpeih.

1 SAMUEL 22:2

Mongshang kotü nyupüthü, hang kotü nyupüthü hatü mong neongi nyupüthü kemei büpa touei thai, hatü büpayü jomphongei mübü vaiteke. Büpa mü shennyak kho ali hükshing nyuteke.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

PHONGSHANTHÜ DOU 13:26

Ngelei jeihinaüthü, am Abraham phang kübü hühihathü, hatü Kahvang nyempü Kung shennyakthü, jen kü hapa yemleipü shahjangü shompeih.

MATHI 18:35

Hanangkü ammi ammei nyahinaü jeihinaü kü mang netükjema, vangsho leipü Opaiyao am peü kü hapakei dükphahen.

JEREMIAH 34:14

“Jempü Hebrew am laophü nyingi am kü aa vaihen yuphaei nyujema vangbong nyet lompü ieyei kü hapa aa bümei hean shuoh-ei vetüktuh. Büpai bong vok chongphophei keyü bümei leiyei deishihtuh.” Shejao ambü ampai ngei epü nebang nevaijü mong neshuoh.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

NEHEMIAH 10:31

Kung shennyakthü Sabbath nyih nevaijü lebü daülangpü nyih kü douhinang nevaijü hahying ham kü yuhen peiküjema hami ha neshakhen. Bong nyetpabü ieyei kü hami kah nelinghen hatü bheishe hang shemhen nyupü neshemhahhen.

NEHEMIAH 7:2

hatü ngei ngelei naüpeü Hanani mü chingnyü kü veshan mübü Hananiah nyi kü Jerusalem yomhen shuoh. Hananiahyü shennyak peü mü monglemaokpü hatü Kahvang nyempü shennyak nyuteke,

2 ONGPATHÜ 4:38

Mechem Elisha Gilgalei nyokei leipa, halei kahmük kü shaühile nyuteke. Mechem thibüthü büpa mü uoshi nyupa, büpai büpalei chongphobü kü, “Düknyü longpü hük chantuh, hatü hathü thibü khong shingvaishi hao baüei cheütuh” shei e.

2 ONGPATHÜ 2:5

Jerikolei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nüngi nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

1 ONGPATHÜ 20:35

Shembüpalei shah homei thibü hüki büpa mü nyupü thibü hük kü, “Ngei kü bheishih!” shei e. Shejao hapa shennyaki tah shei e.

1 ONGPATHÜ 18:3

Ahabi ongshem kü veibü Obadiah kü nyük. (Obadiah-ü Shembüpa kü longi dhüm shuohshi vaipü shennyak hük nyuteke.

LEVI 25:48

büpa laophü nyingi yutük pheikao büpa angei leihen jiüpü nyüpeih. Büpalei shem am hanei-i büpa angei leihen aok.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

MENVIH KESHO 115:13

Shembüpa kü nyempü longpü, maanpü peü kü büpai moihimanhen.

2 ONGPATHÜ 6:9

Shejao Kahvang shennyak Elisha-i Israel ongpa kü shah shomei, “Hapa lem homei nedaihen lituh; mehenangkü Aram am ha lemei show uoshi nyüke” shei e.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

RUTH 1:3

Shaang Naomilei chepaha Elimelekh didaitü cheha nyi mütü pinnyü tuhphong.

2 ONGPATHÜ 2:7

Hapheikü thibüthü khong hük jom pinyipüanao jiji phei müei daiyei Elijah hi Elisha nyi Jordan yungyenei uopü shing kübü ajüki khaatei heihtü jomphongao uoteke.

2 ONGPATHÜ 2:15

Jeriko leipü thibüthüi tailei büpa eeyei, “Elijahlei ngan Elisha kü bakshi nyüke” shei e, hatü jomphongi büpa touei peiyei aümei sha.

KANDOK 22:7

Shemmei ami taopü am shak kü vanglem lemnyeih, hatü luhahpü amü lushuohpü amei aa leinyüpeih.