2 ONGPATHÜ 24:1 - DAÜLANGPÜ LAIHING (BSI)

¹ Jehoiakim Judah kü ong vaipü hepak kü Babylon am Nebukadnezzar ongpa peiyei Judah hah, hatü bong jem thahshi büpa phangkü angteke. Hapheikü büpa mong yeiyaei Nebukadnezzar khüei yaong.

2 ONGPATHÜ 24:1 Referans Kwoze

DANIEL 1:1

Judah amei ong Jehoiakimi vanglem lempü vangbong jempabü kü Babylon ongpa Nebukadnezzar peiyei Jerusalem shümteke.

JEREMIAH 25:1

Hapayü Babylon kü Nebukadnezzari ong vaipü shongpü bong, hatü Josiahlei cheha Jehoiakimi Judah kü ong vaipü bong alipabü kü Judah nanglakthü nangkü Jeremiah touei peipü Shembüpalei shah.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 46:2

Ijip nangkü: Judah kü Josiahlei cheha Jehoiakimi vanglem lempü bong alipabü kü Euphrates yungyen yopailei Karkhemish touei Babylon ongpa Nebukadnezzari neütükpü Ijip ongpa Pharaoh Nekolei veshanthü khüei shuohpü shahjang nyüke:

2 ONGPATHÜ 17:5

Hapheikü Shalmaneser ongpai Israel kahdok kemei hahtü Samarialei aongei bong jem thahshi shüm.

JEREMIAH 35:1

Josiahlei cheha Jehoiakimi Judah kü ong nyushi SHEMBÜPAleipü shah Jeremiah touei hapakei peiteke:

JEREMIAH 35:11

Shejao mechem Babylon ongpa Nebukadnezzari hapa kahdok neütükpa, hami, ‘Kei, jeni Babylon hatü Aram amei veshanthü kübü yanghen shingvaishi jen Jerusalemei daishah shei eteitü heih-ei ha Jerusalemei nyuei dainyüpeih’ ” shei eteke.

JEREMIAH 36:1

Josiahlei cheha Jehoiakimi Judah kü ong vaipü bong alipabü kü SHEMBÜPAleipü hapa shah Jeremiah touei pei:

JEREMIAH 45:1

Josiahlei cheha Jehoiakimi Judah kü ong vaipü bong alipabü kü Jeremiah-i eshuohpü shah Barukh-i nyangphei kü Jeremiah thibüi Neriahlei cheha Barukh kü ha eteke:

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

EZEKIEL 21:14

Hanangkü, nüng shennyak ha, teteivanei etuh, hatü yan hi yan bapteihütuh. Yanlu nyipa jempa thahshi bapteihütuh. Hapayü jüteishangteipü yanlu. Hapayü jüteipü yanlu longpü, hapayü jom shinei nyüke.

DANIEL 1:2

Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

2 ONGPATHÜ 24:20

Jerusalem hatü Judah nanglakthü kü Shembüpai longi mongshihpü nangkü büpai jomphong büpa toueipü changtük.

2 SHÜPPÜKENGPÜ 36:1

Judah nanglakthüi Josiahlei cheha Jehoahaz yah-ei chepa nangjei Jerusalem kü ong vaihüteke.

EZRA 4:12

Nüngei kahdok leipü leiküpü Jehoda ami Jerusalemei leiyei hapa khüei yaongteipü hatü nemeipü chingnyü lingei leinyüke. Jomi bham lingei chongnyiamthü lingei leinyüke; ha nüngi nyingjü meihen khih.

ISAIAH 36:5

Nüngi shah mon epai hokhen düklingyangyeüei hatü wong nyüpeih shei deihnyu je? Ngei mü khüei yaonghen mü nüng üpa kü mongnyangnya?

EZEKIEL 19:8

Hahepak kü ngeihpü shonpü jatthü peü büpa khüei thai. Jomphongi büpa kü tai haenteke, hatü büpa chei kü manteke.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.