2 ONGPATHÜ 23:3 - DAÜLANGPÜ LAIHING (BSI)

³ Ongpai shemnyü touei yaongtü Shembüpa phei mühen, büpalei shahkungnyüthü, vanglemthü peü büpalei mongdang hatü laangha kempai vangpüshuwpü laitapei nyangei nyupükei dükhen shei Shembüpa touei vangpüshuwpü ling.

2 ONGPATHÜ 23:3 Referans Kwoze

2 ONGPATHÜ 11:14

Pinnyüi veishuohjü jomei büyem kü nyupükei ongpa hük shemnyü touei yaongshi ee. Lakchongbüthü hatü amit vüngpüthü peü ongpa touei, hatü nanglakthü peü mongongpai amit vüng. Hahepak kü Athaliah-i pinnyülei ashak shaaktü, “Ngei pungteke! Ngei pungteke!” shei lenei e.

2 ONGPATHÜ 11:17

Hahepak kü Jehoiada-i Shembüpa hi ongpa hatü nanglakthü aa kü jomphongü Shembüpalei nanglakthü shei vangpüshuwpü ling. Shao büpai ongpa hi nanglakthü aa kao vangpüshuwpü ling.

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

CHONGVENBÜ 8:2

Ongpalei shahkungnyü bangtuh; mehenangkü nüngi ha Kahvang touei lahtükteke.

NEHEMIAH 9:38

Hathü peü eetü hami nyangei haütü vangpüshuwpü hük lingpeih, hatü ha shangkü hamei mübüthü Levi am hatü ngongpathüi ha kü jomei füoshang shingteke.

EZRA 10:3

Hanangkü shaang jeni jenei nyüha hapeüthü peü leitükhen shei jenei Kahvang touei vangpüshuwpü hük lingshah. Hami nüngi epükei hatü Kahvangei shahkung kü nyempüthüi epükei dükhen. Kahvangei shahkung kü mongpü aimü jeni dükshah.

2 SHÜPPÜKENGPÜ 29:10

Shaang ngei Shembüpa, Israel Kahvang mü vangeishuwpü hük linghen deihshi nyüpeih; shejüang büpalei mongshih jen toueipü yahlangphahen.

2 SHÜPPÜKENGPÜ 23:16

Hapheikü Jehoiada-i büpa, nanglak hatü ongpa jom peü Shembüpalei nanglak vaihen shei vangpüshuwpü ling.

2 SHÜPPÜKENGPÜ 23:13

hatü mechem pinnyü veishuohpa, shaden shemnyü touei ongpa yaongtü veshan mübüthü hatü amit vüngpüthü ongpa touei yaongtü nanglak peü mongongpai amit vüngei kesho lokpü ee. Athaliah-i pinnyülei ashak shaaktü, “Ngei luhahteke! Ngei yutükteke!” shei len.

SHAHKÜP 29:1

Hathüyü Shembüpai Israel am mü Sinai Kahshangei lingpü vangpüshuwpü mü üei Moab kahdokei Shembüpai Israel am mü vangpüshuwpü linghen Mosa kü eshuohpü laphen nyüke.

SHAHKÜP 11:13

Hanangkü shinnyih ngei am kü shuohpü shahkungnyü ven bangjema; Shembüpa, ammei Kahvang kü bamjema, hatü ammei mongdang kempai, ammei laangha kempai büpa chongphojema,

SHAHKÜP 10:12

Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

SHAHKÜP 8:19

Amphongi Shembüpa, ammei Kahvang betüktü lebü kahvang phei müei daiyei khümjema hatü chongphojema, amphong hingmei mahkemhen shei shinnyih ngei am kü shahvüng shuohnyüpeih.

SHAHKÜP 6:5

Shembüpa, ammei Kahvang kü ammei mongdang kempai, ammei laangha kempai hatü ammei wong kempai bamtuh.

SHAHKÜP 6:1

Hathüyü am Jordan yung homei daiyei ammi mükjüp yahhen kahdokei dükhen shingvaishi Shembüpa, ammei Kahvangi ngei kü nyuhtuh shei ephopü shahkungnyüthü nyüke.

SHAHKÜP 4:45

Hapayü jomphong Ijip leipü vamei daipheikü Mosai jom kü shuohpü shahkungnyü nyüke,

MÜLANGPÜ 24:3

Mechem Mosa leiyei Shembüpalei shah hatü shahkungnyüthü ejapa, jom peüi ngeü hük mü vamei, “Shembüpai epü lemphüli hami dükhen” shei eteke.

JEREMIAH 34:8

Aathü peü kü bümei hean shuohhen shei Zedekiah ongpai Jerusalem nanglakthü mü vangpüshuwpü lingpheikü Shembüpalei shah Jeremiah touei peiteke.

JEREMIAH 34:15

Yopai-iang am mong lepei ngei touei mehe jiü, ha dükteke; am peüi laophülei jempü shennyak kü bümei hean shuohteke, hatü ngei kü khümpü phopshemei ngei touei vangeishuwteke.

2 SHÜPPÜKENGPÜ 15:15

Mong kempai vangeishuwpü nangkü Judah am mongongei nyu. Jomi mong shuoh-ei Kahvang yem, hatü jomi büpa dang. Hanangkü Shembüpai jom kü lem peü philei nyiushemmei shuoh.

NEHEMIAH 5:13

Ngeiyao ngelei shünglok sheyei dheütü, “Hapa lahpü üpai nedükhenshang Kahvangi jomei shem, mophimo hapakei dheüei yaktüktuh, hatü lakkong tuhtuh” shei e. Hahepak kü halei nyupü peüi, “Amen!” shei e, hatü Shembüpalei menlong, hatü nanglak peüi jomi lahpükei dük.

NEHEMIAH 10:1

Hapa vangpüshuwpü kü füoshang shingpüthü: Hekaliahlei cheha Nehemiah governor, Zedekiah,