2 ONGPATHÜ 23:12 - DAÜLANGPÜ LAIHING (BSI)

¹² Ahazlei dokpa dung-am adokei Judah ongthüi lingpü moidüthü, hatü Shembüpalei Phopshem chingshelei Manasseh ongpai lingpü moidüthü büpai benei yaktük. Büpai haleipü hathü benei deiyei khih mü nihtüktü Kidron Kahjilei nyüp kei yaktük.

2 ONGPATHÜ 23:12 Referans Kwoze

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

2 ONGPATHÜ 21:5

Phopshem chingshe nyiphenei büpai lithathü kü khümhen moidüthü ling.

2 SHÜPPÜKENGPÜ 33:5

Shembüpalei shem chingshe nyiphenei büpai lithathü kü khümhen moidüthü ling.

2 SHÜPPÜKENGPÜ 33:15

Büpai Shembüpalei shem leipü kung amei kahvangthü hatü lajeithü yaktük, hatü phopshem shangching hatü Jerusalemei büpai lingpü moidü peü chingnyü haolei yah-ei daiyei yaktük.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

2 ONGPATHÜ 23:4

Hapheikü ongpai Hilkiah ngongchong hatü sheühteipü ngongpathü, hatü Phopshem shaden yompüthü kü Phopshem mongeipü Baal kahvang, Asherah nyüha kahvangthü, hatü lithathü kü khümshingkü noteipü douhinangthü ngaikei shei ngeükhüam shuoh. Büpai hathü Jerusalem haolei Kidron Kahjilei deiyei aw kü jaktük, hatü hapalei depla Bethelei dei.

SHAHKÜP 22:8

Mechem ammi shem ja vehenshang, shem adok kü baila shinei yaongpe showtüktuh; hajü mon shennyak hanei shem adok leipü vüei dijü am kü mang nekohen.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

2 ONGPATHÜ 10:26

daülangpü yaong shemnyüthü ngaiyei aw kü jaktük.

2 ONGPATHÜ 21:4

Shembüpai, “Jerusalemei ngei kü khümtuh” shei epü Shembüpalei Phopshemei büpai lebü kahvangthülei moidüthü ling.

2 SHÜPPÜKENGPÜ 15:16

Asa ongpai chenyü Maakah-ao Asherah kahvang lajei lingpü nangkü ongpalei nyü shei epü hean kübü nüngtük. Asa-i lajei bentü nihtük, hatü Kidron Kahjilei aw kü jaktük.

ZEPHANIAH 1:4

Ngei Judah hatü Jerusalemei nyupüthü khüei ngelei lak nohen; Ngei halei Baal kahvang kü khümteipü douhinang aopüthü peü mangtükhen, hatü lajei khümpü ngongpathülei men katitükhen.