2 ONGPATHÜ 23:10 - DAÜLANGPÜ LAIHING (BSI)

¹⁰ Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

2 ONGPATHÜ 23:10 Referans Kwoze

ISAIAH 30:33

Ongpa jakhen shing yeihshi-üng temei nyüpeih. Hapa awbhaongü chüshi, ba longshi pü shangshi shüngshi nyüpeih. Shembüpalei ngü awkaong meli kü bahpü awlom kei vamei hapa kü aw bahhen.

JEREMIAH 19:6

Hanangkü lituh, nanglakthüi hapa shingkü Topheth nevaijü Hinnom Kahji shei nenyükhen, shejao hapayü Jüpü Kahji shei nyükhen nyihthü ngoikünyüke” shei Shembüpai enyüke.

LEVI 18:21

Nüngi nüngei hapeüthü üpayao Molekh kahvang kü jakpü moila teshuoh; mehenangkü nüngi nüngei Shembüpalei men teten. Ngeiyü Shembüpa.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

JOSHUA 15:8

Hapheikü viongü Ben-Hinnom kahji kübü Jebus chingnyü (hapayü Jerusalem) pehephi kahshang thahshi nyu. Hatoueipü shao viong aongdaipü Rephaim kahji heongphi dohpü Hinnom kahji heshüphi kübü shangtao thahshi nyu.

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

MATHI 5:22

Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

EZEKIEL 20:31

Mechem ammi moila shuohhen hatü ammei hapeüthü aw kü jakei moila shuohhenshang, ammei lajeithü homei am nyingi nedaüi leinyüke. Hakei tuhtü amphongi ngei kü phehen je, Oh Israel phang? Ngeiyü vanyangyem Kahvang, amphongi ngei kü lanshei nephehen shei Shembüpa Kahvangi enyüke.

EZEKIEL 20:26

Jomi ngeiyü Shembüpa khih shei nyinghen shangmü ngei jomei thinthothü jomei shongei shaanpü yem moila peü ngei sheihtükpeih, hatü ngei jom nyempai mahü.

EZEKIEL 16:21

Ammi ngelei hapeüthü jütü lajeithü kü moila shuohtükpeih.

JEREMIAH 19:2

hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

2 ONGPATHÜ 16:3

shejao büpai Israel ongthülei lem kü kam. Lebü jatthüi dükteipü jiühitnalai vanglem keiha büpai laophülei hapeü aw kü jakei lajei kü moila shuoh. Hanangkü Israel am shekü Shembüpai hapa kahdok kübü jom changtükpeih.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

JOSHUA 18:16

Viongü Rephaim kahji apshaphi Ben-Hinnom kahji kü dangteishi kahshangla sheetei sha, hatü shao viongü Jebus amei kahshong pehephi kü Hinnom kahji thahshi shadaipü En-Rogel ngoishi nyu.

ISAIAH 57:5

Amü püdhüm vungdhüm ieyeilei mükbongjuyung dükei lihila kahvangthü kü khümnyüke; Ammi kahjithü hatü yaongsha püsha peülei laophülei hapeüthü jüei moila shuohnyüke.

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

NEHEMIAH 11:30

Zanoah, Adullam hatü ha kü shonpü chingthülei nyu. Jom Lakhish hatü ha yopai leipü kahthülei, hatü Azekah hatü haleipü chingthülei nyu. Hanangkü jomü Beer-sheba kübü Hinnom Kahji thahshi nyu.