2 ONGPATHÜ 22:8 - DAÜLANGPÜ LAIHING (BSI)

⁸ Shaphani Hilkiah ngongchong kü ongpalei shah shuohhen heih, hatü Hilkiah-i büpa kü, “Ngei Shembüpalei shemei Shahkungnyü Laitap dangtepih” shei ejateke. Büpai ha Shaphan kü shuoh, hatü büpai ha ieteke.

2 ONGPATHÜ 22:8 Referans Kwoze

2 ONGPATHÜ 22:9

Hapheikü laknyangbü Shaphani ongpa touei leiyei büpa kü, “Nüngei chongphobüi Phopshem leipü lop yah-ei Phopshem lingpü dou kü veipüthü kü shuohtoja” shei e.

2 ONGPATHÜ 23:2

Büpai Shembüpalei shemei Judah hatü Jerusalem nanglakthü, ngongpathü, thibüthü hatü longpü maanpü nanglakthü peü müei aongteke. Shembüpalei shemei dangpü vangpüshuwpü laitap leipü shahthü peü jom peüi danshi büpai ieteke.

2 ONGPATHÜ 23:24

Ngongchong Hilkiah-i Phopshemei dangpü lai kü nyangei nyupü shahkungnyüthü dükhen shingvaishi Josiah ongpai Jerusalem hatü Judah kahdok peü leipü laang kü shah eteipü, lashüh dokpüthü hatü shemongei khümteipü kahvang, lajeithü, hatü kung amei jiühitnalaipü douhinang peü yaktükkem.