2 ONGPATHÜ 21:4 - DAÜLANGPÜ LAIHING (BSI)

⁴ Shembüpai, “Jerusalemei ngei kü khümtuh” shei epü Shembüpalei Phopshemei büpai lebü kahvangthülei moidüthü ling.

2 ONGPATHÜ 21:4 Referans Kwoze

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

JEREMIAH 32:34

Ngei kü khümhen vepü phopshem jomi jiühitnalaipü lajeithü tuh-ei jomi ha sheihtükpeih.

1 ONGPATHÜ 9:3

Shembüpai büpa kü, “Nüngi ngei kü phoppü hatü phepü ngei dantepih; düngei ngelei men kü khümhen shingvaishi nüngi vepü Phopshem ngei daütüktepih. Ngelei mükhimong düngei halei nyuhen.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

JEREMIAH 32:31

Hapa chingnyüi ngei lingei tuhpü nyih kübü shinnyih thahshi ngei mongshih vamhüpeih; hanangkü ngei toueipü hapa nüngtükhen,

EZEKIEL 23:38

Jijinyi-i hapayao ngei kü dükphopeih: Jijinyi ngelei daülangpü shem sheihtük hatü ngelei Sabbath mangtükpeih.

2 ONGPATHÜ 23:12

Ahazlei dokpa dung-am adokei Judah ongthüi lingpü moidüthü, hatü Shembüpalei Phopshem chingshelei Manasseh ongpai lingpü moidüthü büpai benei yaktük. Büpai haleipü hathü benei deiyei khih mü nihtüktü Kidron Kahjilei nyüp kei yaktük.

2 ONGPATHÜ 23:27

Hanangkü, “Ngei Israel am changtükpü keiha, ngei Judah amao changtükhen, hatü ngei Jerusalem hatü ngei jepü Chingnyü yaktükhen, hatü ‘Ngei kü khümhen shing’ shei ngei epü hapa Phopshemao yaktükhen” shei Shembüpai eteke.

2 SHÜPPÜKENGPÜ 6:5

‘Ngei ngelei nanglak Ijip kahdok leipü müei leipü hepak kübü shaang thahshi ngei Israel jat kü mepa chingnyü kao ngei kü khümhen shingvaishi ngei kü shem vehen shing hatü ngelei nanglak shak kü ong vaihen üpayao neje-angpih;

2 SHÜPPÜKENGPÜ 6:6

Shejao ngei kü khümhen shing ngei Jerusalem, hatü ngelei Israel nanglak shak kü ong vaihen ngei David jepeih.’ ”

JEREMIAH 7:30

Judah nanglak ngei touei mang dou dükteke shei Shembüpai enyüke; ngei kü khümpü shem sheih-ei jomi jiühitnalaipü lajei tuhteke,

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

EZEKIEL 23:39

Jijilei lajeithü kü jijilei hapeüthü moila shuohpü nyih-üng jijinyi ngelei daülangpü shemei shüei hapa sheihtükpeih. Jijinyi-i ngelei shemei ha dükpeih.”