2 ONGPATHÜ 20:8 - DAÜLANGPÜ LAIHING (BSI)

⁸ Hezekiah-i Isaiah kü, “Shembüpai ngei meiphahen hatü ngei nyih jempabü kü Shembüpalei shemei aonghen mü nyangeihepü mehe nyuhen?” shei phe.

2 ONGPATHÜ 20:8 Referans Kwoze

ISAIAH 7:11

“Shembüpa, nüngei Kahvang kü nyangeihepü hük yütuh; hapayü dipü ching Sheol kei chüshi nevaijü vangsho kei shaoshi nyuhen aok” shei e.

SHAHPHENBÜTHÜ 6:17

Gideoni jangei, “Nüngi ngei kü bamei deihjema, ngei mü shah eteipeyü nüng khih shei nyinghen shingvaishi nyangeihepü hük hushih.

HOSEA 6:2

Nyih nyi nyih jem pheikü büpai jen büpa mü nyuhen leilanghen.

2 ONGPATHÜ 20:5

“Nüng nyokei leituh, hatü ngelei nanglakthü mübü Hezekiah kü hei etuh, ‘Shembüpa, ambü Davidei Kahvangi hapakei enyüke: Nüngi phoppü ngei dantepih, hatü nüngei mükphi ngei eetepih; ngei nüng meihühen hih. Nyih jempabü kü nüngi Shembüpalei shemei aonghen.

2 ONGPATHÜ 19:29

Hahepak kü Isaiah-i e, “Nüng shingvaishi nyangeihepü hük ha nyukahen, Oh Hezekiah: Shenüngü mehe nyingnying vamei jüknya, ha hahtuh, hatü bong nyipabü keyü mehe ha kübü vamei jükkahenshang ha hahtuh, hatü bong jempabü keyü sheituh, hatü vettuh; nyalingngupai sheituh hatü hapa betjük hahtuh.

ISAIAH 38:22

Hahepak kü Hezekiah ongpai, “Ngei Shembüpalei Phopshemei aongaokhen mü nyangeihepü mehe huphahenang?” shei phe.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

LUK SHAHSHA APPÜ 2:12

Hapayü am shingvaishi nyangeihepü hük nyukahen: amphongi naü hük ashaki jümtü mohoh hetshungei lemshi eehen” shei e.

LUK SHAHSHA APPÜ 18:10

“Shennyak nyi phopshemei phopnüng aong, hükü Pharisee am hatü hükü lat thaibü.

2 ONGPATHÜ 20:7

Hahepak kü Isaiah-i, “Adhajüki aan lingtuh. Jomi hapakei lingtü hihüma kü shihtuh, hatü büpa meidaihen” shei e.

2 ONGPATHÜ 20:9

Isaiah-i, “SHEMBÜPAleipü nüng kü shuohpü nyangeihepeyü hapa khih, hatü Shembüpai büpai lahtükpü dou dükhen: Vangdhüm laang she philei lakham an daipü meipü hi, ngaümphei philei lakham an leipü meipa?” shei e.

ISAIAH 38:21

Shaang Isaiah-i ongpa kü, “Bhukjük yah-ei hihüma kü khameishuoh, hatü büpa tüngpü meidaihen hih” shei e.

KAHBHAO 15:8

Shejao büpai, “Oh Shembüpa, ngei hapa kahdok yah-aokhen shei ngei mekei nyingaokhen?” shei phe.