2 ONGPATHÜ 20:5 - DAÜLANGPÜ LAIHING (BSI)

⁵ “Nüng nyokei leituh, hatü ngelei nanglakthü mübü Hezekiah kü hei etuh, ‘Shembüpa, ambü Davidei Kahvangi hapakei enyüke: Nüngi phoppü ngei dantepih, hatü nüngei mükphi ngei eetepih; ngei nüng meihühen hih. Nyih jempabü kü nüngi Shembüpalei shemei aonghen.

2 ONGPATHÜ 20:5 Referans Kwoze

1 SAMUEL 9:16

“Ngenyih hapa hepak kü ngei Benjamin kahdok leipü shennyak hük shomphahen. Ngelei Israel nanglakthü shak kü vanglem lemhen thiteiphuei jetuh; büpai ngelei nanglakthü Philistia amei lak kübü yanghen. Ngei ngelei nanglakthü ponghahpü eetepih; mehenangkü jom theppü ngei ngoiteke” shei e.

ISAIAH 38:5

“Daituh hatü Hezekiah kü Shembüpa, ampa Davidei Kahvangi hapakei enyüke shei etuh: Ngei nüngi phoppü dantepih, hatü nüngei mükphi eetepih; ngei nüng kü shao bong anpünga üphahen hih.

MENVIH KESHO 39:12

Ngei phoppü danlangshih, Oh Shembüpa; hatü lenpü kü dhaong shaangshih; ngei theppü kü nüngi sheühshih. Hamei obü opa am keiha ngei nüng mü yenpa kei nyunyeih.

2 ONGPATHÜ 19:20

Hahepak kü Amozlei cheha Isaiah-i Hezekiah ongpa kü shahjang hük shomei e: Shembüpa, Israel Kahvangi hapakei enyüke: Assyria amei ongpa Sennakerib nangkü nüngi phoppü ngei dantepih.

MENVIH KESHO 126:5

Üami mükphi yenei hainyüpa, mongongpai leneiwongei vetnyüpeih.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

MENVIH KESHO 56:8

Ngei theppüyoungpü nyangei tuhtuh; nüngei laitap kü ngei mükphi yenpü nyangei tuhtuh. Hathü nyangei neshiüpü je?

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”

JOHAN 5:14

Pheishi Jisui büpa phopshemei heüei büpa kü, “Veituh, nüng meidaiteke! Nüng hajük kü mang thah-ei tenyu; hei nevaijema lemhük nemeipü dhaümkahen” shei e.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

MENVIH KESHO 65:2

Oh phoppü kü jangpeyü nüng, nüng touei nanglak peü peikahen.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 38:22

Hahepak kü Hezekiah ongpai, “Ngei Shembüpalei Phopshemei aongaokhen mü nyangeihepü mehe huphahenang?” shei phe.

2 SAMUEL 5:2

Shelei Saul hamei ong vaipü hepak kü thepjulei Israel veshanthü müei daipeyü nüng hih. Shembüpai nüng kü Israel nanglakthü mi yomhenü nüng vaihen, Israel shak kü vanglem lemhenü nüng vaihen shei epeih” shei e.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

2 SHÜPPÜKENGPÜ 34:3

Büpa vanglem lempü bong shetpabü maanpü hashih hük nyushi büpai chebü Davidei Kahvang yemhen chongpang. Bong anpünyipabü kü büpai Judah hatü Jerusalem kübü vaümchongthü, Asherah nyüha kahvangei lajeithü hatü lebü lajeithü peü mangei yaktükhen chongpang.

2 SHÜPPÜKENGPÜ 13:12

Kahvangü ham mü nyüpeih; büpayü hamei lem mübü. Büpalei ngongpathüi amit vüngei nüng khüei thep nyükhen. Israel shennyakthü, Shembüpa, ammei bühipa Kahvang khüei tehok; ammi neaokpih” shei eteke.

LUK SHAHSHA APPÜ 18:10

“Shennyak nyi phopshemei phopnüng aong, hükü Pharisee am hatü hükü lat thaibü.

1 ONGPATHÜ 9:3

Shembüpai büpa kü, “Nüngi ngei kü phoppü hatü phepü ngei dantepih; düngei ngelei men kü khümhen shingvaishi nüngi vepü Phopshem ngei daütüktepih. Ngelei mükhimong düngei halei nyuhen.

2 ONGPATHÜ 20:4

Isaiah-i ongshem kü jiampa dung-am peih-ei mangdai shekü Shembüpalei shah büpa touei peiyei,

MENVIH KESHO 107:20

Büpai shah shomei jom meihü, hatü mahhen kübü jom yang.

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

MÜLANGPÜ 3:9

Shaang Israel am lenpüwongpü ngei ngoiteke hatü Ijip ami mekei jom kü shüveinya ngei eeteke.

2 ONGPATHÜ 22:19

nüngi mong lepei, Shembüpa touei maanpü leipü nangkü ngei hapa shing hatü halei nyupüthü lavüngtoiyei leitükhen, hatü thaüvaühen shei epü nüngi danei nüngi ashakviha shaakei ngei touei theppü nangkü ngei nüngi epü ngeü dantepih shei Shembüpai enyüke.

MENVIH KESHO 6:10

Ngelei vepathü peü veü ponghen, hatü mongmanghen; jom ngangahük kü mongshangpai nyokei leidaihen.

MENVIH KESHO 34:18

Shembüpayü mongdang mangpüthü yopailei nyüke, hatü laangha mangpüthü yangnyeih.

MENVIH KESHO 56:9

Mechem ngei nüng kü nyükhen, ngelei vepathü nyokei leidaihen. Hapai Kahvang ngei shingvaishi nyüke shei nyinghen.

MENVIH KESHO 65:3

Mechem mang douthüi ham neülanghen, nüngi hamei mang tükshihma.

MENVIH KESHO 119:26

Mechem ngei düktükpü nüng kü lah-ei epa, nüngi ngei kü jangteke; nüngei shahkungnyü ngei kü nyuhshih.

ISAIAH 19:22

Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.