2 ONGPATHÜ 20:3 - DAÜLANGPÜ LAIHING (BSI)

³ “Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

2 ONGPATHÜ 20:3 Referans Kwoze

NEHEMIAH 13:22

hatü Sabbath nyih daülangi tuhhen nangkü Levi am jom nyingi daütüktü shaden yomhen ngeükhüam shuoh. Hayao deih-ei dangtuh, Oh ngelei Kahvang, hatü nüngi bampü shangshi ngei yangei tuhshih.

NEHEMIAH 13:14

Ngei deih-ei dangtuh, Oh ngelei Kahvang, hatü ngelei Kahvangei shem hatü halei khümhen shingvaishi mehe ngei lanei shuoh-ei düktepa, ha nüngi dhitei teyaktük.

NEHEMIAH 5:19

Ngei nanglakthü shingvaishi hathü peü dükpü kü ngei kü phahjiei deihte, Oh ngelei Kahvang.

NEHEMIAH 13:31

hatü ngei pü moila hatü shongpü betjük moila koei peihen hepak itei shuohpeih. Bampai ngei deih-ei dangtuh, Oh ngelei Kahvang.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

1 ONGPATHÜ 8:61

Hanangkü shaang nyupü keiha amphongei thentoimongdang kemei Shembüpa, jenei Kahvang kü lanei shuohtuh, hatü büpalei vanglem hatü shahkungnyüthü bangtuh.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

ISAIAH 63:11

Hahepak kü jomphongi Shembüpalei chongphobü Mosalei nyih deih-ei dang, hatü jomi, “Laophülei mi yombüthü mü hathü yungching leipü yangpübamelei nyüpa? Jomphong kü laophülei Laangha Daülangpü shuohpü melei nyüpa?

ISAIAH 38:14

Khihmang hatü yungou keiha ngei vaüteke, athubai keiha ngei mahng thepteke. Shang philei veihampai ngelei mükyang yungdaiteke. Oh Shembüpa, ngei ponghahnyeih, ngei yangshih!

MENVIH KESHO 145:18

Büpa kü nyükpüthü peü; shahhing kü büpa kü nyükpüthü peü touei Shembüpa yopailei nyüke.

MENVIH KESHO 119:49

Nüngei chongphobü kü epü nüngei shah deih-ei dangtuh; hapai nüngi ngei monglemhüpeih.

MENVIH KESHO 102:9

Mehenangkü aan keihangei depla hahnyüpeih; hatü yingpü yung mü mükphi vuktü yingnyüpeih.

MENVIH KESHO 89:50

Nüngei chongphobü kü mekei ne-ienelemnya, ha deih-ei dangtuh, Oh Shembüpa. Shennyakthüi thaüvaüpü ngei mekei nenaoknya, deihhümao.

MENVIH KESHO 89:47

Ngelei yangnyu nyih meshük shohpa deih-ei dangtuh; mehe angsha dou shingvaishi nüngi hangku peü lingpa?

MENVIH KESHO 32:2

Üamei mang khüei Shembüpai nenyonghü; üamei laangha kü lueilempü neshiü, jom moihiman.

MENVIH KESHO 25:7

Ngelei nethe hepak kübü mangthü, hatü pungpü shaipü deih-ei tedang. Nüng meipü men kü nüngi bampü shangshi ngei deih-ei dangtuh, Oh Shembüpa.

MENVIH KESHO 6:6

Mahng thepai ngei nyiudaiteke, Yajeih ngelei shinshingü mükphi-i maei nyunyeih; ngelei shole mükphi kü hingdaiteke.

JOB SHAHSHA APPÜ 1:8

Shembüpai Satan kü, “Nüngi ngei chongphopü Job kü mük shahnyu je? Kahdoknyü kü büpa kei eelashing neshiüpü, kangshangpü shennyak, Kahvang nyempü hatü mang nedükhen kenhingpü neshiüpih” shei e.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

1 ONGPATHÜ 15:14

Büpai khümshingthü peü nemangtükjao Asa-i den kemei büpalei mongdang Shembüpa kü shuoh.

1 ONGPATHÜ 11:4

Mechem Solomon viüei behe leidaipa, büpalei shembünyüthüi büpalei mong lebü kahvangthü lemei mülang, hatü büpalei mong chepa Davidi hinglempü kei Shembüpa büpalei Kahvang kü hingnelem.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 8:1

Shejao Kahvangi Noah hatü büpa mü jahas mongei nyupü yemhimakthü deih-ei dang, hatü Kahvangi vanglük lükhüei yung jepei leishih.

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.

KAHBHAO 5:22

Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

1 ONGPATHÜ 9:4

Nüng nang keyü nüngi-üng ngei touei mongdang kangshangi ampa Davidi kei kamjema, hatü ngei kangpü peü dükei hatü ngelei shahkungnyüthü hatü vanglemthü dükjema,

2 ONGPATHÜ 20:2

Hahepak kü Hezekiahlei dhe bham lemei lepei leitü Shembüpa kü phopei,

2 ONGPATHÜ 20:4

Isaiah-i ongshem kü jiampa dung-am peih-ei mangdai shekü Shembüpalei shah büpa touei peiyei,

MENVIH KESHO 26:1

Ngei dah shakhütuh, Oh Shembüpa; mehenangkü ngei shahhing kü kamtepih, hatü ngei neleplüki Shembüpa kü hinglempeih.

MENVIH KESHO 26:3

Mehenangkü nüngi bampü ngelei müksho kü nyüpeih, hatü ngei nüng kü hinglemshi kamnyeih.

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

JOB SHAHSHA APPÜ 4:6

Nüngi Kahvang kü nyempü hayü nüngei monglem, hatü nüng eela neshiüi nyupeyü nüng mong nyangshing nevaipü je?

JOB SHAHSHA APPÜ 16:20

Ngelei küphüthüi ngei nyonghünyüke; ngelei mükphi Kahvang kü yennyüpeih.

MENVIH KESHO 6:7

Mongmangpai ngelei mük pumdaiteke; hathü kemei ngelei vepathü homei vampeih.

MENVIH KESHO 39:13

Ngei chem mongongshi nyunüng ngei lüdai shekü hatü neshiüi leidai shekü nüng chem ngei toueipü yaakdaishih.

MENVIH KESHO 119:26

Mechem ngei düktükpü nüng kü lah-ei epa, nüngi ngei kü jangteke; nüngei shahkungnyü ngei kü nyuhshih.

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;