2 ONGPATHÜ 20:1 - DAÜLANGPÜ LAIHING (BSI)

¹ Hathü nyih kü Hezekiah ongpa tüngei didaihen mü nyuteke. Amozlei cheha Isaiah thibü büpa touei peiyei büpa kü, “Shembüpai hapakei enyüke: Nüngei shem meishi jungtüktuh; mehenangkü nüng didaihen; hapa dinshan kübü nüng neyangaokpih” shei e.

2 ONGPATHÜ 20:1 Referans Kwoze

PHILIPPI 2:27

Hingmei büpa dihen mü longi tüngei nyuhampeih. Shejao mongmang hük pheikü hük neheühen shingvaishi Kahvangi büpa kü hatü büpa kü mon nevai ngei kao phahjipeih.

2 ONGPATHÜ 19:20

Hahepak kü Amozlei cheha Isaiah-i Hezekiah ongpa kü shahjang hük shomei e: Shembüpa, Israel Kahvangi hapakei enyüke: Assyria amei ongpa Sennakerib nangkü nüngi phoppü ngei dantepih.

2 SAMUEL 17:23

Mechem Ahithopheli büpai epü shahnying neyah-ang shei nyingpa, büpai laophülei gadu kü uotü shem yemei lei, hatü shem meishi jungei tuhphongtü büpa bakla kü phenei di. Büpalei mahng chepalei mahngchongei vü.

PHILIPPI 2:30

mehenangkü Khristalei dousho shingvaishi dihen mü nyupeih; ammi ngei kü neshuohaokpü dou kaw thaphen büpai yangnyu lanei shuohpeih.

2 ONGPATHÜ 19:2

Büpai ongshem veibü Eliakim, laknyangbü Shebna hatü ngongpa behethü jom peü dhoila ashak ümtü Amozlei cheha Isaiah thibü touei shom.

2 ONGPATHÜ 20:2

Hahepak kü Hezekiahlei dhe bham lemei lepei leitü Shembüpa kü phopei,

SHAHKÜP 31:14

Shembüpai Mosa kü, “Sheyü nüng didaihen nyih ngoikünyüke. Joshua kü nyüktuh hatü ngei büpa kü kangpü dousho shuohhen Ashakshemei müei deikei” shei e. Hanangkü Mosa hi Joshua nyi Ashakshemei peiteke.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

2 ONGPATHÜ 1:4

Hanangkü Shembüpai, ‘Nüng shaang lemshi nyupü lüng leipü nepao-i nüng dihen’ shei enyüke” shei e.

2 ONGPATHÜ 1:16

hatü büpai ongpa kü, “Shembüpai hapakei enyüke: Israelei Kahvang neshiüpü vaishi nüngi Ekron amei Baal-Zebub kahvang touei phongmokbüthü shomei phepü je? Nüngi hapakei dükpü nangkü nüngi shaang lemshi nyupü lüng kübü nepao-i nüng dihen!” shei e.