2 ONGPATHÜ 2:9 - DAÜLANGPÜ LAIHING (BSI)

⁹ Mechem jijinyi yung hompa, Elijah-i Elisha kü, “Ngei nüng toueipü anlanghen shekü ngei nüng kü mehe dükhahhüpüshang eshih” shei e. Elisha-i, “Nüngei ngan mükjüp phaihan shing nyi ngei kü yahshih” shei e.

2 ONGPATHÜ 2:9 Referans Kwoze

BHEI-IE 11:17

Hatouei ngei yiükahen hatü nüng mü eteihen, hatü ngei nüng kü shuohpü laangha hanei yah-ei jom kü shuohhen. Nüng monhai hathü kemei nekohen; shaangü jomi nanglakthülei hanggovih kohen nüng kü sheühphahen.

SHAHKÜP 21:17

Büpai nebampü nyühalei ha vaijao büpai angpü mophimo kübü phaihan shingnyi shuohhen vongbong. Shennyak hüki laophülei hashongpa nyinghen vongbong hatü vanglem kü nyupükei büpa kü jeilongpa hean shuohhen vongbong.

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

PHONGSHANTHÜ DOU 8:17

Hahepak kü Peter hi Johan nyi-i jomphong kü laki shüng, hatü jomi Laangha Daülangpü yah.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

BHEI-IE 11:25

Hahepak kü Shembüpa phum shangkü yiü, hatü büpa mü etei, hatü Shembüpai Mosa kü shuohpü laangha hanei yah-ei mübüthü pejempüan kü shuoh. Mechem jom kü laanghai bakpüshang, jomi teteivanei e, shejao jomi neyei hapakei netetnevan.

1 TIMOTI 5:17

Behethü üami meishi chongphonya, anyei vaishi chongvenpü hatü nyuhpüvenpü dou düknya, jomphongü lat shingnyi nyeishi danghen shangpeih.

1 KORINT 12:31

Shejao longpü thinthothü kü kentuh. Ngei shao nyeinya chah-ei meipü lem am kü huphahen.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

ZEKHARIAH 9:12

Oh monglemlem shei wüpküpei yepei küpshi nyupüthü, am yangshing yemei leituh; Ngei shaang, am kü enyüpeih, ammi ponghahpü peü shingvaishi ngei shing nyi nyokei moihimanphahen.

MENVIH KESHO 72:20

Jesselei cheha Davidi phoppü dohnyüpeih.

1 ONGPATHÜ 3:9

Hanangkü nüngei chongphobü kü nanglakthü shak kü vanglem lemhen hatü mang hi mei baong hanei yao-aokhen kihikon yahshih. Hei nevaijema mekei etü hajükpü nüngei nanglakthü shak kü vanglem lemaokhen?” shei e.

SHAHKÜP 34:9

Shaang, Nunei cheha Joshuayü kihikon, laanghai maei nyu; mehenangkü Mosai büpa kü jeihen laki shüngei je. Hanangkü Shembüpai Mosa kü mehe etepa, ha Israel ami bangei dükteke.

MENVIH KESHO 72:1

Oh Kahvang, nüngi ongpa kü shahhing shahphenhen, hatü cheha kü nüngei daülangshemshepü nyuh-eishuoh.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.