2 ONGPATHÜ 2:2 - DAÜLANGPÜ LAIHING (BSI)

² Elijah-i Elisha kü, “Nüng hatouei chongkei; mehenangkü Shembüpai ngei Bethelei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü enyeih, ngei nüng netuhphongpih” shei e. Hanangkü jiji chemi Bethelei yiü.

2 ONGPATHÜ 2:2 Referans Kwoze

2 ONGPATHÜ 2:6

Hapheikü Elijah-i Elisha kü, “Nüng hatouei chongkei, Shembüpai ngei Jordanei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü enyeih, ngei nüng netuhphongpih” shei e. Hanangkü jiji chemi dai.

2 ONGPATHÜ 4:30

Hahepak kü naüei chenyüi, “Vanyangyem Shembüpalei men kü hatü nüng kü vangei enyeih, ngei nüng tuhtü neleipih” shei e. Hanangkü büpa layaongei pinnyü phei müei lei.

2 ONGPATHÜ 2:4

Hapheikü Elijah-i büpa kü, “Nüng hatouei chongkei, Shembüpai ngei Jerikolei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü ngei enyeih, ngei nüng netuhphongpih” shei e. Hanangkü jiji chemi Jerikolei yiü.

1 SAMUEL 1:26

Pinnyüi büpa kü, “Oh ngelei shembü, nüng touei yaongtü phopei nyupü nyühayü ngei hih, nüngi deihnyüla? shei phe.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

1 ONGPATHÜ 12:33

Lenyang shetpabü nyih anpüngapabü kü büpai mongpükei jehahpü nyih kü büpai lingpü Bethel leipü moidülei moila shuoh. Hanangkü büpai Israel am shingvaishi mo mohen hapakei ling, hatü moidülei moila shuohhen aong.

1 SAMUEL 25:26

“Hanangkü shaang ngelei shembü, nüngei laki bhüh yemei iy yenhen kübü Shembüpai shoungei tuhpü khih. Nüngei vepathü üami nüng kü nemeipü dükhen yemnya, jomphongao Nabal kei hanghihen.

KAHBHAO 28:19

Hapa chingnyü kü Luz shei menlangmao büpai hapa shing kü Bethel shei men.

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

1 ONGPATHÜ 12:29

Büpai hapa Bethelei hük, hatü Dan kahdokei hük shei tuhteke,

1 SAMUEL 17:55

Davidi Goliath mü hoknüng lüdaipü eeyei Sauli büpalei veshan mübü Abner kü, “Hapa naü üpalei cheha ang?” shei phe. Abneri, “Oh ongpa, ngei nenyingang” shei e.

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

2 ONGPATHÜ 2:23

Elisha-i Jeriko leipü layaongei Bethel yemei aong. Büpa lemei kamei nyushingkü chingnyü leipü bahanaüthü hanei vamei büpa kü yaüeilungei, “Shangpaangpa lüdaituh! Shangpaangpa lüdaituh!” shei e.