2 ONGPATHÜ 2:15 - DAÜLANGPÜ LAIHING (BSI)

¹⁵ Jeriko leipü thibüthüi tailei büpa eeyei, “Elijahlei ngan Elisha kü bakshi nyüke” shei e, hatü jomphongi büpa touei peiyei aümei sha.

2 ONGPATHÜ 2:15 Referans Kwoze

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

2 KORINT 12:9

Shejao büpai ngei kü, “Ngelei phahji nüng shingvaishi changshi nyüpeih; mehenangkü ngelei wongü wong nekohpü kü changpüshapü leihünyeih” shei eteke. Hanangkü Khristalei ngan ngei kü nyuihen shingvaishi ngei wong nekohpü kü ngei nyeinya mongongshi changmeihen.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

2 ONGPATHÜ 4:37

Pinnyü shem mongei shüei büpalei la tüngei kahdokei aümei sha. Hapheikü pinnyüi cheha mütü vamei dai.

2 ONGPATHÜ 2:19

Shaang hapa chingnyü kübü shennyakthüi Elisha kü, “Hapa chingnyü-ü shinghiphei ahshi-üng meishi, ha nüngiyao eeyei nyüke. Shejao yung nemei, hatü kahdok kü betjükvungjük nejüknyu” shei e.

2 ONGPATHÜ 2:7

Hapheikü thibüthü khong hük jom pinyipüanao jiji phei müei daiyei Elijah hi Elisha nyi Jordan yungyenei uopü shing kübü ajüki khaatei heihtü jomphongao uoteke.

JOSHUA 4:14

Ha nyih Shembüpai Israel am peüi eeshi Joshua shangei longei anshih, hatü jomi Mosa kü dhüm shuohpükei büpalei yangnyu den kemei kü dhüm shuohteke.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

BHEI-IE 27:20

Israel am khong peüi büpai epü ven banghen shingvaishi nüng kü nyupü nganhiwong hanei büpa kü shuohtuh.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.

1 SAMUEL 10:5

Hapheikü nüng Philistia amei shangdü nyupü Gibeath-Elohimei aonghen hatü halei nüng jila lemei yiüjajü moidü leipü thibüthü khong hük harp, tambourin, liping, hatü kongkoih vüngei hatü teteivanei yiüküpü nüngi ponghen.

1 ONGPATHÜ 20:35

Shembüpalei shah homei thibü hüki büpa mü nyupü thibü hük kü, “Ngei kü bheishih!” shei e. Shejao hapa shennyaki tah shei e.

2 ONGPATHÜ 5:22

Gehazi-i, “Hih” shei e. “Shaang-üng thibüthü khong kübü nethe nyi phaüshang kahmük Ephraim leipü ngei touei peiküpeih. Chingmeilemlingei jijinyi kü ngin haja jem hatü nyipa jeiteihen büm-ow shuohtükütuh shei ehen büpai ngei nüng touei shompeih” shei e.

2 ONGPATHÜ 9:1

Hahepak kü Elisha thibüi thibüthü khong kübü thibü hük nyükei büpa kü, “Shünglok loktuh, hatü hapa mainga shong yah-ei Ramoth-Gileadei daituh,

AMOS 7:14

Amos-i Amaziah kü jangei e, “Ngeiyü thibü hükao nevai, nevaijü thibülei hapeüao nevai, shejao ngeiyü mi yombü hük, hatü bhukjük pü kah lingpü shennyak hük nyuhampeih.