2 ONGPATHÜ 2:11 - DAÜLANGPÜ LAIHING (BSI)

¹¹ Jiji shah eteiyaki kami nyushingkü ngangahük kü aw koyei khari keiha aw koyei hüki jijinyi aa kü heihtü Elijah-ü alüngleple-i vangsholei anlang.

2 ONGPATHÜ 2:11 Referans Kwoze

2 ONGPATHÜ 6:17

Hahepak kü Elisha-i, “Oh Shembüpa, büpaiyao nyem-eenüng büpalei mük apeishuoh” shei phop. Hanangkü Shembüpai chongphobülei mük apshuoh, hatü büpai veishuoh shingkü kahshangei koyeithü hatü koyei kharithü aw keiha Elisha shonei eeteke.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

MENVIH KESHO 68:17

Kahvangei koyei khari haja an; haja haja longi nyüke. Shembüpai Sinai Kahshang kübü büpa nyushingei peinyüke.

MARK 16:19

Shembüpa Jisui jom mü eteipheikü vangsholei anlang, hatü Kahvangei lakdah philei uo.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

HABAKKUK 3:8

Mechem nüngi koyeithü müei daipa, hatü nüngei koyei khari aokpü lemei müpa, nüngi yungnyüthü kü mongshihpü hiang? Oh Shembüpa. Nevaijü shohathü khüei nevaijü yungching khüei monglep vampü je?

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.

2 ONGPATHÜ 2:1

Mechem Shembüpai Elijah alüngleple kü vangsholei anlanghen hepak ngoipa, Elijah hi Elisha nyi Gilgal lemei daiyei nyu.

SHAKEI VAMPÜ 11:12

Hahepak kü jomi vangsho leipü ngeü longpü hük jomphong kü, “Halei aongkei!” shei epü dan. Jomei vepathüi veishi jomphong vangsholei phumshang kü aongdai.