2 ONGPATHÜ 19:7 - DAÜLANGPÜ LAIHING (BSI)

⁷ Ahpühupü ngeü danhen mü ngei büpa kü laangha hük shuohhen, hatü büpa laophülei kahdokei nyokei leihen, hatü ngei büpa laophülei kahdokei yani mahhühen” shei e.

2 ONGPATHÜ 19:7 Referans Kwoze

OBADIAH 1:1

Hapayü Obadiahlei manghkhang– Jeiyong Shembüpai Edom am nang hapakei enyüke: “Hamphongi SHEMBÜPAleipü shahjang hük dantepih, hatü jatthü touei phongmokbü hük shomei eteke: Layaongtuh, hatü jeni Edom am khüei hokshah!”

2 ONGPATHÜ 7:6

mehenangkü Shembüpai Aram am kü koyei kharithü, koyeithü, hatü veshanthü khong longpülei ngeü danhü, hatü jom jom hüki hük kü, “Israel ongpai Hit hatü Ijip ongthü jen mü khüei hokhen chüngei nyupü khih” shei etei.

JEREMIAH 51:46

Kahmük kü shahjang lemmü lemmü danshingkü tenyem; Shenüng shahjang hük ngüvang hük shei kahmük kü dehilao shahjang, hatü ong hüki ong hük khüei hokhen shahjang danhen.

JEREMIAH 51:1

Shembüpai hapakei enyüke: “Veituh, ngei Babylon khüei, hatü Leb-qamai nanglakthü khüei yingtetlongshaihen vanglük hük vamhühen.

JEREMIAH 49:14

Ngei SHEMBÜPAleipü shahjang hük dantepih, hatü jatthü touei phongmokbü hük shomteke: “Am nyingi hapa ching hahhen thaituh! Thepjulei daihen layaongtuh!”

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

MENVIH KESHO 50:3

Jenei Kahvang peikünyüke, hatü nenmü nenyunyu; büpa touei laiyeilungei hahhen aw, hatü mangpü yinglükpalei shinei nyüke.

MENVIH KESHO 11:6

Nemeipüthü kü büpai awtao hatü awkaong meli shomhen; nyahpüshampü vanglükü jomei hean vaihen.

JOB SHAHSHA APPÜ 15:21

Nyempühanpü ngeüi büpalei dhaong mahen; yangei nyüpeih shei deihshingkü gühpathülei lak kü büpa mahtükhen.

JOB SHAHSHA APPÜ 4:9

Kahvangi ngü heepü mü jom mahdainyüke; büpa mongshihpai jom lomohdainyüke.

2 SHÜPPÜKENGPÜ 32:21

hatü Shembüpai vangsho phongshan hük shomei Assyria ongpalei baümtapei nyupü veshanthü, mübüthü hatü lakchongbüthü peü jütük. Hanangkü büpa mongshangei laophülei kahdok yemei leidai. Mechem büpa laophülei kahvang khümshemei shüpa, chehapeü hanei büpa kü yani bapei jü.

2 ONGPATHÜ 19:28

Mehenangkü nüngi ngei mü depü nangkü, hatü nüng changmeipü ngelei peipü nangkü, ngei nüngei shong kü nyiamphaak, hatü nüngei ju kü nyiam ühhen, hatü nüng peipü lem kü ngei nüng nyokei leishihhen.”

2 ONGPATHÜ 19:33

Büpai peipü lem kü-üng nyokei lüdaihen; Büpai hapa ching kü nepeiaokpih, shei Shembüpai enyüke.

MENVIH KESHO 94:23

Büpai jomei mang kü nyokei khanghen, hatü jomei mang nangkü jom thittükhen, Shembüpa, jenei Kahvangi jom mahtükhen.