2 ONGPATHÜ 19:6 - DAÜLANGPÜ LAIHING (BSI)

⁶ Isaiah-i jomphong kü, “Ammei shembü kü, ‘Shembüpai hapakei enyüke’ shei etuh: Ngei kü yaüeilungei Assyria ongpai büpalei chongphobüthü homei epü shah danei nüng tenyem.

2 ONGPATHÜ 19:6 Referans Kwoze

2 ONGPATHÜ 18:35

Hathü kahmükthülei kahvang üpai laophülei kahmük ngelei lakmong leipü yangei nyüpa? Shejemü mekei etü Shembüpai ngelei lakmong leipü Samaria yangaokhen?” shei eteke.

2 ONGPATHÜ 18:17

Assyria ongpai Tartan, Rabsaris, hatü Rabshakeh hathüi mütü veshan longi Lakhish leipü Jerusalemei Hezekiah ongpa touei shom. Jomi Jerusalemei peiyei Dokpa Yungkuk leipü yunghow touei ashak dhopüthülei lemei yaong.

2 SHÜPPÜKENGPÜ 20:15

Jahazieli e, “Bangtuh, Jehoshaphat ongpa, hatü Judah hatü Jerusalemei nyupüthü! Shembüpai am kü hapakei enyüke: ‘Hapa veshan khongnyü eeyei am tenyem nevaijü mongtemaan. Mehenangkü vehokü ammei nevai, hapayü Kahvangei.

SHAKEI VAMPÜ 13:6

Hapai Kahvang khüei thaüvaühen, büpalei men, büpa nyushing hatü vangsholei nyupüthü kü thaüvaühen büpalei ju kateke.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

MENVIH KESHO 74:23

Vepathüi mongshih-ei lenpü tebetük, hatü nedoh-i nüngei vepathüi ngeüwong anpü tebetük.

MENVIH KESHO 74:18

Mekei vepathüi nüng kü yaünya, hatü nelipüthüi nüngei men ne-ienelemnya ha deih-ei dangtuh, Oh Shembüpa.

2 SHÜPPÜKENGPÜ 20:17

Ammi hapa vehok hokhen nevai. Ami show lingtuh, hatü Shembüpai am kü aokpü shuohpü kü yaongshi veituh, Oh Judah hatü Jerusalem. Am tenyem nevaijü mongtemaan. Ngenyih am thepjulei heihtuh, hatü Shembüpa am mü nyukahen.’ ”

2 ONGPATHÜ 18:30

Hezekiah-i Shembüpa kü hinglemtuh shei am kü yawhpüyangpü phei temü; mehenangkü büpai, ‘Hingmei Shembüpai jen yangphahen; hapa chingnyü Assyria ongpalei lak kü neshuohpih’ shei epü kü mongtelem.

2 ONGPATHÜ 6:16

Elisha-i, “Nüng tenyem” shei e. “Jomphong mü nyupü meyü ji mü nyupüthü-üng nyeishi nyüpeih” shei e.

JOSHUA 11:6

Shembüpai Joshua kü, “Ammi jom kü tenyem, ngenyih shaang kei jom kemei jüei Israel am kü shuohhen; ammi jomei vehok koyeithülei laphei chah langtüktuh hatü koyei kharithü aw kü jaktüktuh” shei e.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

LEVI 26:8

Am shennyak pa nga-i kho hük kü changhen; hatü am shennyak kho hüki haja an kü changhen; ammei vepathü ammei yannah kü mahhühen.

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

2 ONGPATHÜ 19:5

Mechem Hezekiah ongpalei chongphobüthü Isaiah touei peipa,

2 ONGPATHÜ 19:22

Nüngi hajük yaüpülungpü hatü eelapü üpaang? Üpa khüei nüngi nüngei ngeü annya, hatü changmei mük veinya? Hapayü Israel amei Daülangpü Hük khünyu khih!

JEREMIAH 42:9

jomphong kü, “Shembüpa, Israel Kahvang, üpa touei ammi phepü koei ngei deishihpa, büpai hapakei enyüke:

ISAIAH 10:24

Hanangkü Shembüpa Jeiyong Kahvangi, “Oh Zionlei nyupü ngelei nanglakthü, Ijip ami dükpü keiha Assyria ami jomei nyiamlüngi, hatü jomei lenshuoh-i am kü bheiphüshingkü ami jom kü tenyem.

YOUNG LAI 3:57

Ngei nyükshingkü nüngi ngei yopailei pei, hatü, “Tenyem!” shei nüngi ngei kü epeih.