2 ONGPATHÜ 19:1 - DAÜLANGPÜ LAIHING (BSI)

¹ Mechem Hezekiah-i ha danpa, büpai laophülei ashak shaaktük, hatü dhoila ashak ümtü Shembüpalei shemei dai.

2 ONGPATHÜ 19:1 Referans Kwoze

2 ONGPATHÜ 18:37

Hapheikü Hilkiahlei cheha Eliakim ongshem veibü, laknyangbü Shebna, hatü Asaphei cheha nyangbü, Joah hathüi Hezekiah touei jomei ashak shaaktükkemtü peiyei Rabshakeh-i mehe eshuohpa, ha peü büpa kü ejateke.

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

MATHI 11:21

Korazin am onyükei! Bethsaida am onyükei! Am kü dükpü yashanpü douthü paoh Tyre hatü Sidon am touei düklangmeyü jomü dhoila ashak ümtü depla nyiotü shelei mebü mang lah-ei mong lephah shepeih.

JONAH 3:8

Shejao shennyak hatü yemhimak peü kü dhoila ashak ümhütuh, hatü peüi shülangi Kahvang kü nyüktuh. Peüi laophülei mang lem hatü depülaopü yakphongtuh.

JEREMIAH 36:24

Ongpa hatü büpalei lakchongbüthüi hathü shah dantü nyemei nedeih, nevaijü jomei ashak neshaaktük.

MENVIH KESHO 35:13

Shejao mechem jom tüngei nyupa, ngeiyü dhoila ashak ümtü shüaeiyungleyei nyupeih. Ngei ngelei shangjing thaungei shatü phoppeih.

EZRA 9:3

Ngei ha danei ngelei ashakviha, büm-ow shaaktük hatü ngelei sho hatü jumum bhitüktü mongshangei uoshi nyupeih.

2 ONGPATHÜ 6:30

Mechem ongpai hapa nyühalei shahthü danpa, büpai laophülei büm-ow shaak, hatü bham yopailei nyupü shennyakthüi büpayü büm-ow mongei dhoila-i thüngpü ow yahshi eeteke.

2 ONGPATHÜ 5:7

Mechem Israel ongpai hapa lai iepa, büpai laophülei büm-ow shaaktü, “Ngeiyü Kahvang je? Ngei mih jütü yangei leishih-aokhen je? Mehekei hapa shennyaki ngomdin kohpü shennyak meihütuh shei shah shompa? Büpayü ngei mü hokhen lem yemhen khenyu khih” shei e.

1 ONGPATHÜ 21:29

“Mekei Ahabi ngei touei maanpü leipa, ha nüngi nyingla? Büpai ngei touei maanpü leipü nangkü büpalei den kü ngei hapa shanghah neshuohpih, shejao ngei ha shanghah chehathülei shemong kü shuohhen” shei e.

1 SAMUEL 4:12

Ha nyih Benjamin am shennyak hük thepju kübü büpalei ashak shaktüktü, hatü shangjing kü kahdok nyiotü Shilohlei leiteke.

MATHI 26:65

Hapa shah kü ngongchongi büpalei ashak shaaktü, “Büpai eelanyüke! Jeni ha mü lenei mehe denpü nahen? Ammiyao shaang büpai eelapü danteke.

SHAKEI VAMPÜ 11:3

Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

ISAIAH 37:37

Hahepak kü Assyria am Sennakerib ongpa layaongei shemei leiyei Ninevehlei nyu.

JONAH 3:5

Nineveh nanglakthüi Kahvang shah kü hinglem; longpü kübü maanpü thahshi dhoila ashak ümtü shüaeiyunglehen temteke.