2 ONGPATHÜ 18:4 - DAÜLANGPÜ LAIHING (BSI)

⁴ Büpai vaümchongthü, daülangpü yaongthü, hatü Asherah kahvangei lajeithü yaktük. Büpai Mosai lingpü melangnyiam biü khih mü mangtük; mehenangkü hapa hepak thahshi Israel ami hapa kü ayingshü jakei moila shuohhamteke. Hapa kü Nehushtan shei nyükteke.

2 ONGPATHÜ 18:4 Referans Kwoze

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

2 ONGPATHÜ 18:22

Shao nüngi ngei kü, ‘Hami Shembüpa, hamei Kahvang kü mongnyangnyeih’ shei ejema, Judah hatü Jerusalem kü, ‘Ammi Jerusalemei hapa moidü touei khümtuh’ shei etü hapalei vaümchongthü hatü moidüthü Hezekiah-i yaktükpü ha nevaipü je?

2 ONGPATHÜ 12:3

Shejoongpa lebü kahvang kü khümpü shingthü büpai nemangtük, hatü nanglakthüi nedoh-i halei jakpü moila shuoh-ei khümhamteke.

1 ONGPATHÜ 22:43

Büpai chepa Asalei lem kü ajükiyao nepungi kam, hatü Shembüpa tou kü mehe jiü, ha dük, shejao büpai lebü kahvangthü kü khümpü shing nebentük; hanangkü nedoh-i nanglakthüi hathü shing kü moila shuoh-ei ayingshü jakei nyuteke.

SHAHPHENBÜTHÜ 6:28

Mechem jom ching am dhomi lomi paoei veipa, Baal kahvangei moidü, hatü Asherah kahvangei lajei bentüktü halei vepü moidü shangkü nyipabü mohoh chebaong jakshi eeteke.

SHAHPHENBÜTHÜ 6:25

Ha ya Shembüpai Gideon kü, “Ampalei mohoh chebaong hükpapa vangbong nyet lomdaipü yahtuh, hatü ampalei Baal kahvangei moidü, hatü hatoueipü Asherah kahvangei lajeithü bentüktuh;

SHAHKÜP 7:5

Ammi jom kü hapakei dükeishuoh: Jomei moidüthü bentüktuh; jomei daülangpü yaong shemnyüthü nihtüktuh; jomei Asherah kahvang lajei mangtüktuh, hatü jomei lajeithü aw kü jaktüktuh.

LEVI 26:30

Ngei ammei khümshingthü mangtükhen, ammi ayingshü jakteipü moidüthü bentükhen, hatü ammei mahng doei nyupü lajeithü shangkü shükphonghen. Ngei am yakphonghen.

MÜLANGPÜ 23:24

ammi jomei kahvang kü aümei shaei nekhümhen nevaijü jomei dükhiling kü nemühen, shejao ammi jomei daülangpü shemnyüthü khih mü benei mangtüktuh.

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

2 SHÜPPÜKENGPÜ 19:3

Shejoongpa nüng kü meipü hük nyupeyü nüngi kahdok kübü Asherah kahvang lajeithü yaktük, hatü nüngei mongdangi Kahvang yempü ha khih” shei e.

2 ONGPATHÜ 16:15

Ahaz ongpai Uriah ngongpa kü hapa ngeükhüam shuoh-ei, “Longpü moidü ja kü dhom mü hatü om mü jakei shuohpü moilathü, ongpalei jakpü moila, hatü hahying moila, hatü hapa kahdok kü nyupü nanglakthüi shuohpü jakpü moila, hahying moila hatü yiü moila kemei halei shuohtuh. Hapa moidü kü jakpü moilathülei iy hatü lebü moilalei iy kemei haituh, shejao melangnyiam moidüyü ngei phongyomteihen tuhtuh” shei e.

2 ONGPATHÜ 15:35

Shejao büpai vaümchongthü neyaktük; hanangkü nanglakthüi halei nedoh-i moila shuoh-ei ayingshü jakhamteke. Jothami Shembüpalei shem Dokpa Shaden lingei lei.

2 ONGPATHÜ 15:4

Shejao büpai vaümchongthü neyaktük; nanglakthüi nedoh-i halei moila hatü ayingshü jakhamteke.

2 ONGPATHÜ 14:4

Shejao büpai vaümchongthü payü neyaktük; nanglakthüi nedoh-i vaümchongthülei jakpü hatü lebü moilathü shuohhamteke.

2 ONGPATHÜ 23:4

Hapheikü ongpai Hilkiah ngongchong hatü sheühteipü ngongpathü, hatü Phopshem shaden yompüthü kü Phopshem mongeipü Baal kahvang, Asherah nyüha kahvangthü, hatü lithathü kü khümshingkü noteipü douhinangthü ngaikei shei ngeükhüam shuoh. Büpai hathü Jerusalem haolei Kidron Kahjilei deiyei aw kü jaktük, hatü hapalei depla Bethelei dei.

MÜLANGPÜ 34:13

Ammi jomei moidüthü, jomei daülangpü shemnyüthü, hatü jomei Asherah nyüha kahvang lajeithü nihtüktuh” shei e.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

ISAIAH 36:7

Shejao nüngi ngei kü, ‘Hami Shembüpa, hamei Kahvang kü mongnyangnyeih’ shei ejema, Hezekiah-i vaümchong hatü moidü kemei bentüktü Judah hatü Jerusalem am kü, ‘Ammi moidü hük touei mon khümtuh’ shei epeyü ha Shembüpa nevaipü je?”

SHAHKÜP 5:5

Hahepak kü amphong aw kü nyemei kahshangei ne-aongpü nangkü ngei, Shembüpa hi am aa kü yaongtü büpai mehe epa, ha ngei am kü eteke.” Shembüpai eteke:

2 ONGPATHÜ 10:26

daülangpü yaong shemnyüthü ngaiyei aw kü jaktük.

2 ONGPATHÜ 11:18

Hapheikü nanglakthü peü kemei Baal kahvangei phopshemei heih-ei haleipü moidüthü, hatü lajeithü peü khih mü mangtük, hatü moidü tüngei Baal kahvangei ngongpa Mattanao jomi jütük. Ngongpai Shembüpalei shem kü yombüthüi yomei tuhphong.

2 ONGPATHÜ 23:14

Josiah ongpai yaong shemnyüthü nihtükkem, Asherah nyüha kahvangei lajeithü bapei yaktük, hatü büpai hapa shingthü kü shennyakei vangi matük.