2 ONGPATHÜ 16:8 - DAÜLANGPÜ LAIHING (BSI)

⁸ Ahaz-i Shembüpalei shem hatü ongshemei nyupü hon hi ngin yah-ei Assyria ongpa kü thintho hük vaishi shom.

2 ONGPATHÜ 16:8 Referans Kwoze

ISAIAH 7:17

Shembüpai nüng hatü nüngei nanglakthü hatü ongsha ongshem kemei kü Israel am Judah kübü yanhinüng chemao mangpeipü shanghah koei peikahen– büpai Assyria ongpa müei peikahen” shei e.

2 SHÜPPÜKENGPÜ 16:2

Hahepak kü Asa-i phopshemei, ongshemei tuhpü hon hi ngin yah-ei Damaskalei ong vaipü Aram am Ben-Hadad ongpa kü shom.

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

MIKA 1:14

Hanangkü am Judah nanglakthü, Moresheth, hatü Gath kü nyupü shennyakthü kü nyue shei etuh; Israel ongthü shingvaishi Akhzib jila kü nyupüthüiyü lawlüppü am shei nyinghen.

2 ONGPATHÜ 12:19

Shaang Joash ongpai dükpü dou lemphüli Judah Ongthülei Büshah Laitap kü nyangei nyüpeih.

2 ONGPATHÜ 15:19

Hahepak kü Assyria am Pul ongpa peiyei Israel hah, hatü Israel kü nedoh-i ong vaiyei nyuhen wong nyemyahshuoh shei Menahemi büpa kü ngin dok haja anpüali shuoh.

2 ONGPATHÜ 17:3

Assyria am Shalmaneser ongpai büpa mü hokhen aong; Hosheayü büpa phangkü ong naü-eepa vai, hatü büpa kü bom ühhamteke.